हरिद्वारनगरम्, ०८ जुलाईमासः (हि.स.)। उत्तराखण्डस्य मुख्यमन्त्री पुष्करसिंहधामी बदरीनाथधामे कथित-दानद्रव्य-चौर्य-प्रकरणं प्रति कठोरं दिशां अवलम्ब्य अवदत् यत् दोषिणां विरुद्धं कठोरतमा कार्यवाही करिष्यते। सः अवदत् यत् मन्दिरे चौर्यं गौवधस्य मातृपितृवधस्य च सदृशं महापापम् अस्ति तथा च एतादृशम् अपराधं कदापि क्षमायोग्यं नास्ति।

हरिद्वारस्य प्रेमनगर-आश्रमे आयोजितायां मोरारीबापोः रामकथायां सहभागीभूत्वा मुख्यमन्त्री माध्यमप्रतिनिधिभिः सह संवादं कुर्वन् अवदत् यत् अस्य प्रकरणस्य अन्वेषणार्थं समितिः गठिता अस्ति तथा आरक्षकैरपि प्राथमिकी अभिलिखिता अन्वेषणं च आरब्धम्।

मुख्यमन्त्री अवदत् यत् मन्दिरे चौर्यम् अत्यन्तं गम्भीरम् अक्षम्यम् च अपराधम् अस्ति। अस्मिन् प्रकरणे यः कश्चिद् दोषी सिद्धः भविष्यति, तस्य विरुद्धं कठोरतमा कार्यवाही करिष्यते। अन्वेषण-समितिः स्वकार्यं प्रारब्धवती अस्ति तथा तस्याः प्रतिवेदनस्य आधारेण अग्रिमकार्यवाही करिष्यते।

अस्य प्रकरणस्य प्रकाशे आगमनानन्तरं श्रीबदरीनाथ-केदारनाथ-मन्दिर-समित्यापि तत्कालमेव अन्वेषण-समितिः गठिता। ततः परं आरक्षकविभागे प्राथमिकी अभिलिखिता, येन एतत् स्पष्टं जातं यत् शासनम् अस्मिन् प्रकरणे कस्यापि स्तरस्य प्रमादं दोषिणां वा परित्राणं न समर्थयति।

मुख्यमन्त्रिणः वक्तव्येन स्पष्टं भवति यत् यथा यथा अन्वेषणं प्रगच्छति तथा तथा उत्तरदायिषु जनेषु विरुद्धं कठोरतमा कार्यवाही भविष्यति।

वर्षाकालस्य विषये शासनं पूर्णतया सज्जम्

मुख्यमन्त्री वर्षाकालस्य सज्जतायाः विषये अपि अवदत् यत् राज्यशासनेन सर्वे आवश्यकप्रबन्धाः सम्पन्नाः। संवेदनशीलेषु जनपदेषु सतर्कतासूचना प्रवर्तिष्यते तथा प्रशासनाय सर्वदा सज्जं भवितुम् निर्देशाः प्रदत्ताः, येन कस्यामपि आपत्कालीन-परिस्थितौ प्रभावकरूपेण कार्यं कर्तुं शक्येत।

Hindusthan Samachar / Divya Ranjan