पिथौरागढम्, 09 जुलाईमासः (हि.स.)।

उत्तराखण्डस्य पिथौरागढे २०२६ २७ वर्षाय मुख्यमन्त्री उदीयमानक्रीडक उन्नयनयोजनायाः मुख्यमन्त्री क्रीडक प्रोत्साहनकार्यक्रमस्य च प्रभाविसञ्चालनविषये मुख्यविकासाधिकारी डा दीपकसैनी इत्यस्य अध्यक्षतायां जिलास्तरीया सभा आयोजिता। सभायाम् उभयोः योजनयोः अन्तर्गतं कुलम् ५०० क्रीडकानां चयनस्य परीक्षणकार्यक्रमस्य च अन्तिमरूपं निर्धारितम्।

जिलाक्रीडाधिकारी अनूपबिष्टः अवदत् यत् मुख्यमन्त्री उदीयमानक्रीडक उन्नयनयोजनायाः अन्तर्गतं ८ वर्षतः १४ वर्षपर्यन्तस्य आयुवर्गस्य ३०० क्रीडकानां १५० बालकानां १५० बालिकानां च चयनं करिष्यते। चयनितेभ्यः क्रीडकेभ्यः प्रतिमासं १५०० रूप्यकाणां क्रीडाछात्रवृत्तिः प्रदास्यते। २०२२ २३ वर्षतः सञ्चाल्यमानया अनया योजनया अधुना पर्यन्तं ११९८ क्रीडकाः लाभान्विताः सन्ति।

एवमेव मुख्यमन्त्री क्रीडक प्रोत्साहनकार्यक्रमस्य अन्तर्गतं १४ वर्षतः २३ वर्षपर्यन्तस्य आयुवर्गस्य कुलं २०० क्रीडकानां १०० बालकानां १०० बालिकानां च चयनं करिष्यते। चयनितेभ्यः क्रीडकेभ्यः प्रतिमासं २००० रूप्यकाणां छात्रवृत्तिः तथा क्रीडोपकरणानां कृते प्रतिवर्षं १०००० रूप्यकाणाम् आर्थिकसहायता प्रदास्यते। २०२३ २४ वर्षतः सञ्चाल्यमानस्य अस्य कार्यक्रमस्य अन्तर्गतं अधुना पर्यन्तं ५७९ क्रीडकाः लाभान्विताः सन्ति।

सभायां निर्णयः कृतः यत् मुख्यमन्त्री उदीयमानक्रीडक उन्नयनयोजनायाः चयनपरीक्षणानि विद्यालयस्तरे १४ तथा १५ जुलाई दिनाङ्कयोः न्यायपञ्चायतस्तरे २० तथा २१ जुलाई दिनाङ्कयोः नगरपालिकानगरनिगमविकासखण्डस्तरे २३ जुलाईतः २५ जुलाईपर्यन्तं तथा जिलास्तरे २७ जुलाईतः २९ जुलाई २०२६ पर्यन्तम् आयोजयिष्यन्ते। अपरतः मुख्यमन्त्री क्रीडक प्रोत्साहनकार्यक्रमस्य चयनपरीक्षणानि ०३ अगस्त २०२६ तः नगरपालिकानगरनिगमविकासखण्डस्तरे प्रारप्स्यन्ते।

मुख्यविकासाधिकारी डा दीपकसैनी अवदत् यत् उभे योजने प्रदेशस्य प्रतिभाशालिनः क्रीडकान् अग्रे नेतुं महत्त्वपूर्णः उपक्रमः स्तः। सः निर्देशं दत्तवान् यत् चयनप्रक्रिया पूर्णतया पारदर्शिनी निष्पक्षा समयबद्धा च भवेत्। जिलास्तरे आयोजितस्य प्रत्येकस्य चयनपरीक्षणस्य चलचित्राङ्कनं कारयिष्यते तथा कस्याश्चित् आपत्तेः निराकरणाय निर्धारितप्रक्रियायाः पालनं करिष्यते। सः एतदपि निर्देशितवान् यत् प्रत्येकस्तरे गठितानां चयनसमितीनां सदस्येभ्यः परिचयपत्राणि निर्गम्यन्ताम्।

सभायाम् एतदपि निर्देशितं यत् सर्वे पात्राः क्रीडकाः समयेन खेलोयूकेइन पोर्टलमध्ये स्वकीयम् आनलाइनपञ्जीकरणम् अनिवार्यरूपेण कारयेयुः। अस्य कृते क्यूआरकोडयुक्तानि फ्लेक्सीपत्राणि जिलाधिकारीकार्यालये मुख्यशिक्षाधिकारीकार्यालये खण्डशिक्षाधिकारीकार्यालयेषु तहसीलकार्यालयेषु विकासखण्डकार्यालयेषु तथा अन्येषु सार्वजनिकस्थलेषु स्थापयिष्यन्ते।

सभायां सूचितं यत् उदीयमानक्रीडक उन्नयनयोजनायाः अन्तर्गतं विद्यालयस्तरे ६ गुणित १० शटलरन ३० मीटर फ्लाइंगस्टार्ट फारवर्डबेंडरीच मेडिसिनबालपुट १ किलोग्राम ६०० मीटरधावनं स्टैंडिंगब्राडजम्प इत्यादीनां निर्धारितशारीरिकदक्षतापरीक्षणस्य पी सेट इत्यस्य आधारेण क्रीडकानां चयनं करिष्यते। अपरतः मुख्यमन्त्री क्रीडक प्रोत्साहनकार्यक्रमस्य अन्तर्गतं एथलेटिक्स बाक्सिंग जूडो कराटे बैडमिंटन ताइक्वांडो वालीबाल फुटबाल बास्केटबाल हाकी टेबलटेनिस कबड्डी इत्यादिषु १२ क्रीडासु चयनपरीक्षणानि आयोजयिष्यन्ते।

जिलाक्रीडाधिकारी अवदत् यत् प्रतिभागिभिः आधारपत्रस्य स्थायिनिवासप्रमाणपत्रस्य जन्मप्रमाणपत्रस्य तथा बैंकपासबुकस्य स्वप्रमाणितप्रतिलिपेः प्रस्तुतीकरणम् अनिवार्यं भविष्यति। क्रीडकानाम् आयुषः गणना ०१ जुलाई २०२६ दिनाङ्कम् आधारं कृत्वा करिष्यते।

सभायाम् अपरजिलाधिकारी योगेन्द्रसिंहः पुलिसोपाधीक्षकः जी बी जोशी मुख्यशिक्षाधिकारी तरुणपन्तः जिलायुवकल्याणाधिकारी डा जगदीशनेगी जिलापञ्चायतराजाधिकारी हरीशार्यः उत्तराखण्डजलसंस्थानस्य अधिशास्यभियन्ता सी एस धौनी अपरमुख्यचिकित्साधिकारी डा अर्चनाकौशिक सहायकनगरायुक्तः राजदेवजायसी इत्यादयः विभिन्नविभागानाम् अधिकारिणः क्रीडासमन्वयकाः क्रीडाविभागस्य प्रशिक्षकाश्च उपस्थिताः आसन्। जनपदमुख्यालयात् बहिः नियुक्ताः अधिकारिणः क्रीडासमन्वयकाश्च सभायां आभासीयमाध्यमेन सम्बद्धाः।----

Hindusthan Samachar / Dheeraj Maithani