लखनऊ, 09 जुलाईमासः (हि.स.)।उत्तरप्रदेशपर्यटनविभागः राज्ये अत्याधुनिकद्विस्तरीयखाद्यवाहनानां सञ्चालनं प्रारब्धुं गच्छति। एषः अभिनवोपक्रमः पर्यटकेभ्यः केवलं गुणवत्तापूर्णं भोजनपानं न अपितु स्थानीयव्यञ्जनानाम् अत्याधुनिकाङ्कीयप्रौद्योगिक्याः सांस्कृतिकविरासतायाः पर्यावरणसंरक्षणस्य च अद्वितीयम् अनुभवं प्रदास्यति। अनेन उत्तरप्रदेशस्य पर्यटनस्थलेषु आगन्तुकेभ्यः स्वादस्य संस्कृतेः प्रौद्योगिक्याश्च एतादृशः सङ्गमः प्राप्स्यते यः तेषां यात्राम् अधिकं स्मरणीयां करिष्यति।

उत्तरप्रदेशस्य पर्यटनसंस्कृतिमन्त्री जयवीरसिंहः गुरुवासरे अवदत् यत् द्विस्तरीयखाद्यवाहनस्य सञ्चालनं उत्तरप्रदेश ईको टूरिज्म डेवलपमेंट बोर्ड यूपीईटीडीबी करिष्यति। अस्य कृते निविदाः आमन्त्रिताः सन्ति। सः अवदत् यत् प्रथमचरणे एतेषाम् अत्याधुनिकखाद्यवाहनानां सञ्चालनं लखनऊनगरस्य नवाबवाजिदअलीशाहप्राण्युद्याने डा राममनोहरलोहियापार्के च कर्तुं योजना अस्ति। तदनन्तरं पर्यटकानाम् आवश्यकतां मागं च दृष्ट्वा अस्य विस्तारः प्रदेशस्य प्रमुखपर्यटनधार्मिकसांस्कृतिकस्थलपर्यन्तं करिष्यते। तस्य कथनम् अस्ति यत् एषः उपक्रमः प्रदेशे पर्यटनसुविधाः आधुनिकीकर्तुं सह आगन्तुकेभ्यः गुणवत्तापूर्णभोजनपानस्य श्रेष्ठव्यवस्थाम् उपलब्धां कारयिष्यति।

क्रिएटिव सिटी आफ गैस्ट्रोनामी इत्यनेन वर्धितः गौरवः

मन्त्री जयवीरसिंहः अवदत् यत् यूनेस्को द्वारा लखनऊनगराय क्रिएटिव सिटी आफ गैस्ट्रोनामी इति स्तरस्य प्रदानानन्तरम् अस्माकं दायित्वम् अधिकं वर्धितम् अस्ति। अस्याः एव धारणायाः अनुरूपं खाद्यवाहनानां भोजनसूच्यां प्रदेशस्य स्थानीयपारम्परिकव्यञ्जनानि प्रमुखतया समावेशयिष्यन्ते। वन डिस्ट्रिक्ट वन कुजीन इति अवधारणायाः माध्यमेन क्षेत्रविशेषस्य विशिष्टव्यञ्जनानि पर्यटकेभ्यः प्रापयिष्यन्ते। अस्माकं प्रयासः अस्ति यत् पर्यटकेभ्यः अल्पसमये ताजं पौष्टिकं स्वच्छं च भोजनम् उपलब्धं भवेत् येन उत्तरप्रदेशस्य पर्यटनानुभवः स्वादेन संस्कृत्या गुणवत्तया च स्मरणीयः भवेत्।

उत्तरप्रदेश ईको टूरिज्म विकासबोर्डेन निजीसहभागितया द्विस्तरीयखाद्यवाहनयोजनायाः कृते निविदाः आमन्त्रिताः सन्ति। निविदासमर्पणस्य अन्तिमदिनाङ्कः २४ जुलाई २०२६ सायं ०६ ०० वादनपर्यन्तम् अस्ति। इच्छुकाः आवेदकाः विशेषसूचनायै यूपीईटीडीबी एट जीमेल डाट काम इत्यत्र सम्पर्कं कर्तुं शक्नुवन्ति। तथैव ई टेण्डर पोर्टले ईटेण्डर डाट यूपी डाट एनआईसी डाट इन इत्यत्र निविदाः आनलाइनमाध्यमेन आमन्त्रिताः सन्ति यत्र इच्छुकाः संस्थाः अभिकरणानि च निर्धारितसमयावधेः अन्तर्गतं आवेदनं कर्तुं शक्नुवन्ति।

द्विस्तरीयखाद्यवाहने किं भविष्यति विशेषम्

योजनायाः अन्तर्गतं चयनिताभिकरणाय द्विस्तरीयखाद्यवाहनस्य अभिकल्पनस्य सञ्चालनस्य अनुरक्षणस्य च सम्पूर्णं दायित्वं भविष्यति। खाद्यवाहनम् अत्याधुनिकसुविधाभिः सुसज्जितं भविष्यति येन तत् पर्यटनस्य नवीनम् आकर्षणं भवितुं शक्नुयात्। तत् पूर्णतया यन्त्रचालितम् आधुनिकं सर्वेषां वैधानिकमानकानाम् अनुरूपं च भविष्यति। तथैव उत्तरप्रदेशपर्यटनविभागः उत्तरप्रदेश ईको टूरिज्म डेवलपमेंट बोर्डश्च सञ्चारस्य विभिन्नमाध्यमैः प्रचारप्रसारे सहयोगं करिष्यतः। एषः उपक्रमः लखनऊनगरस्य समृद्धव्यञ्जनविरासतायै राष्ट्रियान्ताराष्ट्रियस्तरे विशिष्टां परिचितिं प्रदातुं सह स्थानीयभोजनसंस्कृतये सशक्तं मञ्चमपि प्रदास्यति।

------------------

Hindusthan Samachar / Dheeraj Maithani