सिलीगुडीनगरम्, ०९ जुलाईमासः (हि.स.)। पश्चिमबङ्गस्य राज्यपालः आर. एन. रविः गुरुवासरे प्रातःकाले उत्तरबङ्गं भ्रमणार्थं सिलीगुडी-नगरम् आगतः। सः अद्य उत्तरबङ्गविश्वविद्यालयस्य प्रशासनिक-भवने राज्यस्य विंशति-विश्वविद्यालयानां कुलपतिभिः तथा कुलसचिवैः च सह महत्त्वपूर्णायां सभायां सहभागिता करिष्यति।

सूत्राणां अनुसारं, अस्याः सभायाः प्रमुखोद्देश्यं राज्यस्य उच्चशिक्षाव्यवस्थायाः, विश्वविद्यालयानां आधारभूतसंरचनायाः, शैक्षणिकगुणवत्तायाः, प्रशासनिक-समस्याया: तथा तासां समाधानोपायानां विषये विस्तृतचर्चा अस्ति। राज्यपालः विश्वविद्यालयानां वर्तमानस्थितेः समीक्षां करिष्यति तथा शिक्षाव्यवस्थां सुदृढां कर्तुं आवश्यकेषु विचारेषु अपि विचारविमर्शं करिष्यति।

यद्यपि एषा सभा उत्तरबङ्गविश्वविद्यालयस्य परिसरे एव आयोज्यते, तथापि समाचाराः सन्ति यत् स्वयम् उत्तरबङ्ग-विश्वविद्यालयस्य कश्चिदपि प्रतिनिधिः अस्याः सभायाः कृते न आमन्त्रितः। अस्मिन् विषये अपि विभिन्नस्तरेषु चर्चा आरब्धा अस्ति।

राज्यस्य उच्चशिक्षाव्यवस्थया सम्बद्धानां बहूनां महत्त्वपूर्णविषयाणाम् अग्रिम-दिशानिर्धारणस्य दृष्ट्या राज्यपालस्य एषा सभा अत्यन्तं महत्त्वपूर्णा इति मन्यते।

Hindusthan Samachar / Divya Ranjan