मेलबर्नः, 09 जुलाईमासः (हि.स.)।प्रधानमन्त्री नरेन्द्रमोदी गुरुवासरे आस्ट्रेलियादेशस्य गवर्नरजनरल सैममोस्टिन इत्यनया सह मिलित्वा भारत आस्ट्रेलिया व्यापकसामरिकसहभागितायाः विभिन्नायामेषु चर्चाम् अकरोत्। उभौ नेतारौ व्यापारं निवेशं शिक्षां नवाचारं क्रीडासहयोगं च अधिकं सुदृढं कर्तुं सहमतिं प्रकटितवन्तौ तथा अवदतां यत् एतेषु क्षेत्रेषु वर्धमानः सहयोगः उभयोः देशयोः जनानां कृते नवीनान् अवसरान् ठोसलाभांश्च आनयिष्यति।

प्रधानमन्त्रिकार्यालयेन निर्गतस्य वक्तव्यस्य अनुसारं मेलबर्ननगरे जातायाः अस्याः भेंटवार्तायाः समये उभौ नेतारौ भारत आस्ट्रेलिया व्यापकसामरिकसहभागितायाः निरन्तरं वर्धमानायां गहनतायां विविधतायां च सन्तोषं प्रकटितवन्तौ। तौ उभयोः देशयोः मध्ये तीव्रगत्या सुदृढतां गच्छतां आर्थिकसम्बन्धानां स्वागतं कृत्वा विश्वासं प्रकटितवन्तौ यत् व्यापारनिवेशाभ्यां सह शिक्षानवाचारक्षेत्रयोः सहयोगस्य अधिकं विस्तारः भविष्यति।

सभायाम् उभौ नेतारौ क्रीडासम्बन्धानां निरन्तरं सुदृढीकरणे अपि प्रसन्नतां प्रकटितवन्तौ। तौ २०३० वर्षे भारते आयोजयिष्यमाणानां राष्ट्रमण्डलक्रीडानां तथा २०३२ वर्षे आस्ट्रेलियादेशे आयोजयिष्यमाणानां ग्रीष्मकालीन ओलम्पिकक्रीडानां सज्जतां दृष्ट्वा क्रीडासहयोगम् अधिकं प्रगाढं कर्तुं बलं दत्तवन्तौ।

प्रधानमन्त्री मोदी अवदत् यत् भारतस्य आस्ट्रेलियादेशस्य च मध्ये सुदृढः जन जनसम्पर्कः उभयोः देशयोः सम्बन्धानां महत्तमा शक्तिः अस्ति तथा अयमेव सम्बन्धान् नवीनोन्नतिं प्रति नेतुं महत्त्वपूर्णां भूमिकां निर्वहति।

प्रधानमन्त्री भारत आस्ट्रेलिया सम्बन्धान् अग्रे नेतुं गवर्नरजनरल सैममोस्टिन इत्यस्याः निरन्तरसहयोगस्य प्रतिबद्धतायाश्च प्रशंसाम् अकरोत्। उभौ नेतारौ आगामिषु वर्षेषु व्यापकसामरिकसहभागिताम् अधिकं सशक्तां कर्तुं स्वकीयां साझाप्रतिबद्धतां पुनः प्रकटितवन्तौ।

---------------

Hindusthan Samachar / Dheeraj Maithani