Enter your Email Address to subscribe to our newsletters
प्रयागराजः, ०९ जुलाईमास: (हि.स.)। राज्यपोषितायाः निषादराज-नौका-अनुदान-योजनायाः अन्तर्गतं पात्र-लाभार्थिनां सुविधार्थं मत्स्यविभागेन विभागीय-पटलम् ९ जुलाईतः २४ जुलाईपर्यन्तं पुनरुद्घाटितम्। ये इच्छुकाः आवेदकाः पूर्वम् आवेदनं कर्तुं न शक्तवन्तः, ते इदानीं निर्दिष्टावधौ अन्तर्जाल-माध्यमेन आवेदनं कृत्वा योजनायाः लाभं प्राप्नुयुः। एषा सूचना गुरुवासरे मत्स्यविभागस्य प्रयागराज-कार्यालयस्य मुख्यकार्यपालक-अधिकारी विजयप्रकाश-शुक्लेन प्रदत्ता।
ते अवदन् यत्, पूर्वं ८ जूनमासतः २८ जूनमासपर्यन्तम् आवेदनानि स्वीकृतानि आसन्, यस्मिन् काले योजनायाः अन्तर्गतम् आहत्य ६०५ आवेदनानि प्राप्तानि। मत्स्यनिदेशालयस्य लखनऊ-कार्यालयस्य निर्देशानाम् अनुपालनेन इदानीं वञ्चितानां पात्रलाभार्थिनां कृते आवेदन-प्रक्रिया पुनरारब्धा अस्ति।
ते पुनरपि अवदन् यत्, मत्स्यजीवि-समुदायस्य इच्छुकाः जनाः विभागीय-पटले आवश्यकविवरणानि पूरयित्वा ९ जुलाईमासतः २४ जुलाईपर्यन्तम् अन्तर्जाल-माध्यमेन आवेदनं कर्तुं शक्नुवन्ति। आवेदनार्थम् अन्यैः आवश्यकाभिलेखैः सह एनएफडीपी पञ्जीकरणम् अनिवार्यं भवति।
योजनासम्बद्धां विस्तृतां सूचनां प्राप्तुं इच्छुकाः अभ्यर्थिनः प्रयागराजस्थितं मत्स्यपालक-विकास-अभिकरणस्य कार्यालयं सम्पर्कं कर्तुं शक्नुवन्ति।
सर्वकारः कियत् अनुदानं प्रददाति
मुख्यकार्यपालक-अधिकारी अवदत् यत् उत्तरप्रदेशस्य योगी-सर्वकारः मत्स्य-पालकेभ्यः तथा मत्स्यजीवि-समुदायस्य सदस्येभ्यः नद्यः, जलाशयाः, सरांसि तथा अन्येषु जलस्रोतस्सु मत्स्यग्रहणार्थं प्रयुज्यमानानां इञ्जनरहित-नौकानां, जालानां, जीवनरक्षक-जैकेटानां, हिम-पेटिकानां च क्रये ४० प्रतिशतं अनुदानं प्रददाति। मत्स्यप्रबन्धनस्य, मत्स्य-संरक्षणस्य, रोजगारस्य तथा आजीविकोपार्जनस्य संवर्धनार्थं राज्य-सर्वकारेण निषादराज-नौका-अनुदान-योजना नाम नूतना योजना प्रवर्तिता अस्ति।
Hindusthan Samachar / Divya Ranjan