Enter your Email Address to subscribe to our newsletters
करूरनगरम्, ०९ जुलाईमासः (हि.स.)। तमिलनाडुराज्यस्य मुख्यमन्त्री विजयः शुक्रवासरे करूरनगरे आयोजितेषु विविधेषु कार्यक्रमेषु भागं ग्रहीष्यति। मुख्यमन्त्रिण: पदस्य ग्रहणस्य नन्तरम् एषः तस्य प्रथमः अवसरः भविष्यति, यदा सः करूरनगरे शासकीयदलसम्बद्धकार्यक्रमयोः सहभागी भविष्यति। करूर-सम्मर्द-दुर्घटनायाः अनन्तरमपि एषः तस्य प्रथमः करूर-प्रवासः अस्ति। तस्य आगमनं दृष्ट्वा सुरक्षा-व्यवस्था अत्यन्तं सुदृढा कृता अस्ति।
कार्यक्रमानुसारं मुख्यमन्त्री विजयः करूर-सेलम्-मार्गस्थितस्य एकस्य निजी-महाविद्यालयस्य एटलस-क्रीडाङ्गणे आयोजितायां जनसभायां भागं ग्रहीष्यति। कार्यक्रमं दृष्ट्वा एटलस-क्रीडाङ्गणं परितः प्रायः दशपादोन्नता अस्थायिनी टिन-पट्टिकाभिः निर्मिता परिबन्ध-व्यवस्था तथा अवरोधकाः स्थापिताः सन्ति। प्रशासनेन स्पष्टं घोषितं यत् केवलं क्यूआर-सङ्केतयुक्तानि परिचयपत्राणि धारयन्तः एव कार्यक्रम-स्थले प्रवेशानुमतिं प्राप्स्यन्ति।
अस्य कार्यक्रमस्य अनन्तरं मध्याह्ने त्रिवादने मुख्यमन्त्री विजयः करूर-सेलम्-बाइपास-मार्गतः कोयम्बत्तूर-मार्गम्, पुरातन-बसस्थानकस्य वृत्तमार्गम्, उझवर-सन्धई, तिरुमानिलैयूरम्, शुल्क-द्वारम् तथा थानथोन्द्रिमलाई इत्येतानि स्थानानि अतिक्रम्य करूर-जनपदाधिकारिणः कार्यालयं प्राप्स्यति। मुख्यमन्त्रिणं द्रष्टुं मार्गम् उभयतः जनसमूहस्य सम्भावनां दृष्ट्वा प्रायः दशकिलोमीटर-पर्यन्तं मार्गस्य उभयपार्श्वयोः अस्थायिनः अवरोधकाः स्थापिताः सन्ति।
ततः परं मुख्यमन्त्री विजयः करूर-जनपदाधिकारिणः कार्यालये सम्मर्द-दुर्घटनायां प्राणान् त्यक्तवतां जनानां परिवारसम्बद्धेभ्यः द्वात्रिंशत् (३२) जनेभ्यः विविधेषु शासकीयविभागेषु अनुकम्पा-नियुक्तेः नियुक्तिपत्राणि प्रदास्यति। तदनन्तरं करूर-जनपदस्य कृष्ण-रायपुरम्-पञ्चायत-संघस्य मनवासी-पञ्चायतस्य क्षेत्रे १७०० कोटि-रूप्यकाणां व्ययेन स्थाप्यमानस्य पादत्राण-निर्माण-निर्माण्या: शिलान्यासं करिष्यति।
Hindusthan Samachar / Divya Ranjan