-परिषदि द्वौ अमुस्लिम सदस्यौ अपि संमेलिष्यतः : अंसारी

बलिया/लखनऊ, 09 जुलाईमासः (हि.स.)। उत्तरप्रदेशस्य अल्पसंख्यककल्याणमन्त्री दानिशअंसारी अवदत् यत् उत्तरप्रदेशे अपि वक्फसंशोधनविधिः प्रवर्तयिष्यते। मध्यप्रदेशे वक्फसंशोधनविधेः प्रवर्तनविषये प्रतिक्रियां ददन् उत्तरप्रदेशसर्वकारस्य अल्पसंख्यककल्याणराज्यमन्त्री दानिशआजादअंसारी अवदत् यत् आगामिकाले उत्तरप्रदेशेन सह सम्पूर्णदेशे नियमानां विधीनाम् उपनियमानां च अनुसारं वक्फसंशोधनविधिः प्रवर्तयिष्यते।

सः अवदत् यत् मोदीसर्वकारः वक्फसम्पत्तीनां श्रेष्ठसंरक्षणस्य समुचितप्रबन्धनस्य च उद्देश्येन वक्फसंशोधनविधेयकम् आनीतवान्। अनेन वक्फसंशोधनाधिनियमेन २०२४ माध्यमेन अनेके सकारात्मकाः परिवर्तनाः कृताः सन्ति। अस्य कार्यप्रणाल्याम् उत्तमः प्रभावः दृश्यते।

सः अवदत् यत् सत्यं तु एतदस्ति यत् एतेषां संशोधनानाम् अन्तर्गतं नवीनवक्फमण्डलस्य गठने पिछडानां पसमांदामुसलमानानां महिलानां मुस्लिमसमाजस्य विभिन्नवर्गाणां च प्रतिनिधित्वं सुनिश्चितं करिष्यते। एतदतिरिक्तं मण्डले द्वौ गैरमुस्लिमसदस्यौ अपि समाविष्टौ भविष्यतः।

उत्तरप्रदेशस्य बलियाजनपदे पत्रकारैः सह वार्तां कुर्वन् सः कांग्रेसदलमपि तीव्ररूपेण आक्रामत्। योगीसर्वकारस्य मन्त्री अग्रे अवदत् यत् केन्द्रसर्वकारेण आनीतस्य अस्य वक्फसंशोधनस्य प्रावधानानाम् अनुसारं मध्यप्रदेशसहितेषु विभिन्नेषु राज्येषु मण्डलस्य गठनं प्रस्तावितम् अस्ति। अस्य उद्देश्यम् पारदर्शिव्यवस्थायाः सुनिश्चितीकरणं वक्फव्यवस्थायाः सुचारुप्रबन्धनं च अस्ति। अयम् अधिनियमः सम्पूर्णदेशे प्रवर्तयिष्यते तथा प्रत्येकस्य प्रदेशस्य कृते अस्य स्वीकरणम् अनिवार्यम् अस्ति। उत्तरप्रदेशे अपि मण्डलस्य गठनानन्तरं नियमोपनियमानाम् अनुसारम् एषः प्रवर्तयिष्यते।

कांग्रेसदलेन वक्फसंशोधनाधिनियमविषये सर्वोच्चन्यायालयस्य शरणगमनसम्बन्धे प्रतिक्रियां ददन् दानिशआजादअंसारी अवदत् यत् कांग्रेसदलस्य देशस्य विकासाय कदापि कापि त्वरिता नासीत्। सः आरोपितवान् यत् १९४७ वर्षे देशस्य स्वातन्त्र्यप्राप्तेः अनन्तरं कांग्रेसदलेन देशस्य आधारभूतविकासाय किमपि ठोसकार्यं न कृतं तथा सत्तायां स्थित्वा केवलं भ्रष्टाचारस्य आतङ्कवादस्य च प्रश्रयः दत्तः।

---------------

Hindusthan Samachar / Dheeraj Maithani