अयोध्या, 10 अगस्तमासः (हि.स.)।

डॉ. राममनोहरलोहियाअवधविश्वविद्यालयस्य नूतनपरिसरे विकासकार्याणां गतिं वर्धयन्ती राज्यपालः आनन्दीबेनपटेलः सोमवासरे विभिन्नमहत्त्वपूर्णपरियोजनानाम् उद्घाटनं कृतवती। कुलाधिपतिः आनन्दीबेनपटेलः नूतनपरिसरे विशेषरूपेण निर्मितस्य मियावाकीवनस्य, ईडीपीभूतलस्य तथा एकादशकेवी विद्युत्उपकेन्द्रस्य च औपचारिकम् उद्घाटनं कृतवती। अस्मिन् अवसरे सा नूतनपरिसरे प्रचलतां समस्तनिर्माणविकासकार्याणां स्थलीयनिरीक्षणं कृतवती तथा सम्बन्धिताधिकारिभ्यः निर्माणसंस्थाप्रतिनिधिभ्यश्च प्रगतेः विस्तृतां सूचनां प्राप्तवती।

पर्यावरणसंरक्षणस्य हरितपरिसरस्य च दिशि स्थापितं मियावाकीवनं समग्रतया द्वात्रिंशत्सहस्रवर्गफीटपरिमिते क्षेत्रे निर्मितम् अस्ति। अस्मिन् वने भ्रमणार्थं प्रायः एककिलोमीटरदीर्घः वक्राकारः मार्गः निर्मितः अस्ति। जैवविविधतां वर्धयितुम् उद्दिश्य अस्मिन् सघने वने एकादशशताधिकाः विभिन्नप्रजातीयाः पादपाः रोपिताः सन्ति।

----------------

Hindusthan Samachar / Dheeraj Maithani