बस्ती, 10 अगस्तमासः (हि.स.)।

श्रावणमासस्य द्वितीयसोमवासरे बस्तीजिल्हायाः प्रसिद्धे शिवमन्दिरे बाबा भद्रेश्वरनाथे अद्य प्रातःकालादेव श्रद्धालूनां महती भीडः समागता। शिवभक्ताः हस्तेषु गङ्गाजलं, बिल्वपत्राणि पुष्पाणि च गृहीत्वा बाबा भद्रेश्वरनाथस्य जलाभिषेकं कृत्वा सुखसमृद्ध्यै प्रार्थितवन्तः। मन्दिरपरिसरः सम्पूर्णं दिनं ‘हर हर महादेव’ तथा ‘हर हर बम बम’ इति जयघोषैः प्रतिध्वनितः।

अयोध्यायाः सरयूनद्याः पवित्रं जलं गृहीत्वा प्रत्यागताः कावडधारिणां समूहाः अपि प्रातःकालादेव मन्दिरं प्राप्नुवन्तः आसन्। कावडधारिभिः अपि बाबा भद्रेश्वरनाथस्य जलाभिषेकं कृत्वा विधिविधानपूर्वकं पूजार्चना कृता। कावडधारिणां उपस्थित्या मन्दिरपरिसरः तस्य समीपवर्ती च सम्पूर्णः प्रदेशः शिवमयः अभवत्, यत्र भक्तिगीतानां जयघोषाणां च निनादः निरन्तरं श्रूयते स्म।

श्रावणमासस्य द्वितीयसोमवासरम् अवलोक्य प्रशासनं पुलिसविभागश्च सुरक्षायाः व्यापकव्यवस्थां कृतवन्तौ। मन्दिरपरिसरे तस्य समीपे च बहुसंख्याकाः आरक्षिकाः नियुक्ताः आसन्। श्रद्धालूनां महतीं भीडं नियन्त्रयितुं प्रवेशस्य निर्गमनस्य च व्यवस्था सुव्यवस्थिता स्थापिता आसीत्।

श्रद्धालूनां सुविधायै विभिन्नेषु स्थानेषु सेवाशिबिराण्यपि स्थापितानि आसन्। एतेषु शिविरेषु कावडधारिभ्यः अन्येभ्यः श्रद्धालुभ्यश्च पेयजलं, प्रसादं तथा अन्याः आवश्यकसुविधाः उपलब्धाः कारिताः।

अस्मिन् काले जिलाधिकारी कृतिका ज्योत्स्ना तथा पुलिसाधीक्षकः अनेकस्थलानां निरीक्षणं कृतवन्तौ।

---------------

Hindusthan Samachar / Dheeraj Maithani