नवदिल्ली, 10 अगस्तमासः (हि.स.)।दिल्लीविधानसभायाः मानसूनसत्रस्य द्वितीयदिने सोमवासरे मुख्यमन्त्री रेखागुप्ता सदने कन्याभ्यः साइकिलप्रदानयोजनां प्रति विपक्षनेतृणां कथितटिप्पणीषु तीव्रं आपत्तिं प्रकटितवती। सा उक्तवती यत् विपक्षस्य एतादृशी चिन्तनपद्धतिः तेषां च शब्दाः लज्जाजनकाः सन्ति, यत्र कन्याभ्यः साइकिलप्रदानं निर्वाचनप्रचारस्य सह सम्बद्धं दृष्टम्। एतादृशानां नेतॄणां दृष्टौ कन्याणां शिक्षा, भविष्यं आवश्यकताश्च न सन्ति, अपितु तासु निर्वाचनप्रचार एव दृश्यते।

सा स्पष्टं कृतवती यत् साइकिलयोजनायाः उद्देशः विद्यावाहिन्याः माध्यमेन कन्याः सुगमतया विद्यालयं गन्तुं शक्नुयुः, तासां शिक्षा निरन्तरं प्रवर्तेत तथा विद्यालयत्यागस्य दरः न्यूनः भवेत् इति अस्ति। मुख्यमन्त्रिणा उक्तं यत् सर्वाभ्यः लक्षसंख्याकाभ्यः कन्याभ्यः साइकिलप्रदानस्य योजना सर्वकारेण कृता अस्ति, किन्तु विपक्षाय एषा उपलब्धिः न रोचते। विपक्षस्य वास्तविकं दुःखं तु एतस्मिन् विषये अस्ति यत् दिल्लीसर्वकारः स्वस्य सार्धवर्षाधिककार्यकालस्य अवधौ स्ववचनानि शीघ्रतया पूरयति। सर्वकारेण स्वीकृतं एकमपि वचनं न त्यक्तम् अस्ति तथा एतत् तथ्यं सा स्पष्टतया जनसमक्षं स्थापयितुम् इच्छति।

मुख्यमन्त्रिणा उक्तं यत् दिल्लीस्य कन्याः सर्वकारस्य कृते महत्त्वपूर्णं दायित्वम् सन्ति। सर्वकारस्य इच्छा अस्ति यत् प्रत्येकं कन्या सशक्ता, सबला, आत्मनिर्भराश्च भवेत् तथा स्वप्नानां साकारं कर्तुं शक्नुयात्। एतदेव उद्दिश्य कन्याभ्यः अनेकाः योजनाः प्रारब्धाः सन्ति, येन प्रत्येकं कन्या स्वेच्छितं लक्ष्यं प्राप्तुं शक्नुयात्, स्वशिक्षां पूर्णां कर्तुं शक्नुयात् तथा गौरवेण वक्तुं शक्नुयात् यत् “मम वंशपरम्परायां अहं प्रथमा अस्मि।” एतादृशाः अवसराः सर्वकारस्य कृते गौरवस्य विषयाः सन्ति, यतः एतेन प्रमाणितं भवति यत् दिल्लीस्य कन्याः अग्रे वर्धमानाः सन्ति सशक्ताश्च भवन्ति।

मुख्यमन्त्रिणा विपक्षिणा बसयानेषु उत्तरप्रदेशस्य, बिहारस्य अन्येषां च राज्याणां महिलाः प्रति उत्थापितस्य प्रश्नस्य अपि प्रत्युत्तरं दत्तम्। सा उक्तवती यत् दिल्लीवासिनीभ्यः भगिनीभ्यः पिङ्ककार्ड् निर्मीयन्ते। पूर्वसर्वकारस्य जनाः दिल्ल्यां निवसन्तः राष्ट्रस्य राजनीतिं कुर्वन्ति स्म तथा सम्पूर्णे देशे सत्ताप्राप्तेः राजनीतिं कुर्वन्ति स्म। वर्तमानसर्वकारः एतादृशं कार्यं न करोति। तस्याः स्पष्टं मतम् अस्ति यत् दिल्लीजनतायाः धनं दिल्ल्यामेव व्ययितव्यम् तथा तस्य लाभः केवलं दिल्लीवासिभ्यः एव प्राप्तव्यः। दिल्लीकरदातॄणां धनं अन्यत्र व्ययितुं न शक्यते, यतः दिल्लीसर्वकारस्य दिल्लीकरदातॄन् प्रति उत्तरदायित्वम् अस्ति।

---------------

Hindusthan Samachar / Dheeraj Maithani