Enter your Email Address to subscribe to our newsletters
नव दिल्ली, 10 अगस्तमासः (हि.स.)।लोकसभायां सोमवासरे केरलराज्यस्य नाम ‘केरलम्’ इति परिवर्तयितुं सम्बन्धितं विधेयकं प्रस्तुतम्। केरलविधानसभायाः सर्वसम्मतिमञ्जूरीं प्राप्त्वा अधुना तत् संसदः समक्षम् आनीतम् अस्ति।
केन्द्रीयगृहराज्यमन्त्री नित्यानन्दरायः अद्य सदने कोलाहलस्य मध्ये ‘केरलम् नामपरिवर्तनविधेयकम्, २०२६’ इति विधेयकं प्रस्तुतवान्।
मलयालमभाषायां राज्यस्य पारम्परिकं नाम ‘केरलम्’ इत्येव कथ्यते। अस्य सांस्कृतिकपरिचयस्य आधिकारिकस्वरूपं प्रदातुं एषा पहलः कृता अस्ति। अस्याः प्रक्रियायाः अन्तर्गतं भारतीयसंविधानस्य प्रथमपरिशिष्टे आवश्यकाः संशोधनाः करिष्यन्ते। नामपरिवर्तनस्य साथमेव राज्यसम्बद्धेषु अन्येषु संवैधानिकेषु प्रशासनिकेषु च दस्तावेजेषु आवश्यकाः आनुषङ्गिकसंशोधनाः अपि करिष्यन्ते।
उल्लेखनीयं यत् केरलविधानसभया २०२४ तमस्य वर्षस्य जूनमासस्य २४ दिनाङ्के सर्वसम्मत्या एकः सङ्कल्पः पारितः आसीत्, यस्मिन् केन्द्रसर्वकारात् राज्यस्य नामपरिवर्तनस्य अनुरोधः कृतः आसीत्। अस्मिन् सङ्कल्पे उक्तम् आसीत् यत् भारतस्य संविधानस्य तृतीयानुच्छेदस्य अन्तर्गतं आवश्यकाः कार्यवाह्यः कृत्वा प्रथमपरिशिष्टे संशोधनं क्रियताम् तथा राज्यस्य नाम ‘केरल’ इत्यस्मात् परिवर्त्य ‘केरलम्’ इति क्रियताम्।
संविधानस्य तृतीयानुच्छेदस्य प्रावधानानाम् अन्तर्गतं राष्ट्रपतिना स्वमतप्रकाशनाय इदं विधेयकं केरलराज्यस्य विधानमण्डलाय प्रेषितम् आसीत्। केरलविधानसभया ‘केरलम् नामपरिवर्तनविधेयकम्, २०२६’ इत्यस्मिन् गहनविचारविमर्शः कृतः तथा विधेयकं सर्वसम्मत्या पारितम्।
---------------
Hindusthan Samachar / Dheeraj Maithani