नोएडा, १० अगस्तमासः (हि.स.)। समाजस्य, माध्यमानां, राष्ट्रस्य समकालीनविषयाणां च विषये सकारात्मकस्य, रचनात्मकस्य सार्थकस्य च विमर्शस्य मञ्चं प्रयच्छत् ‘प्रेरणा-विमर्शः’ इति कार्यक्रमः वर्ष २०२० तः प्रतिवर्षं देशस्य विभिन्नेषु स्थानेषु आयोजितः भवति। अस्याः यात्रायाः अग्रे विस्तारं कुर्वन् अस्मिन् वर्षे ‘उत्कर्षः—नारी-सम्मानम्, युवा-स्वाभिमानम्’ इति केन्द्रीयभावनया ‘प्रेरणा-विमर्श-२०२६’ इत्यस्य आयोजनं क्रियते।

अस्मिन् वर्षे आयोजनं प्रेरणा-मीडिया-शोध-संस्थान-न्यासस्य तत्त्वावधाने, प्रेरणा-विमर्श-आयोजन-समित्याः गौतम-बुद्ध-विश्वविद्यालयस्य, ग्रेटर-नोएडा इत्यस्य च संयुक्त-तत्त्वावधाने अग्रिमयो: १९-२० सितम्बर-दिनाङ्कयोः गौतम-बुद्ध-विश्वविद्यालय-परिसरे आयोजयिष्यते।

आयोजनस्य सज्जतायाः गतिं वर्धयितुम् उद्दिश्य सोमवासरे गौतम-बुद्ध-विश्वविद्यालय-परिसरे विस्तृता त्रिसत्रीय-योजना-सभा सम्पन्ना। सभायां विभिन्न-सत्रैः, आयामैः, व्यवस्थाभिश्च सम्बद्धाः १५० अधिकाः कार्यकर्तारः, पदाधिकारिणः, टोली-सदस्याश्च सहभागी अभवन्। सभायाम् आयोजनस्य रूपरेखा, पञ्जीकरणम्, जनसम्पर्कः, प्रचार-प्रसारः, सहभागिता, विषयवस्तु, व्यवस्थाः च इत्येतेषु विषये विस्तरेण मन्थनं कृतम्।

अस्याः सभायाः अवसर ‘प्रेरणा-विमर्श-२०२६’ इत्यस्य पोस्टरस्य विमोचनं कृतम्। विज्ञापने आयोजनस्य केन्द्रीयभावना ‘उत्कर्षः—नारी-सम्मानम्, युवा-स्वाभिमानम्’ इति प्रमुखतया प्रदर्शिता अस्ति। पोस्टर-विमोचनस्य अनन्तरं आयोजनस्य व्यापक-प्रचार-प्रसारस्य, जनसम्पर्कस्य पञ्जीकरण-अभियानस्य च अधिकगतिं वर्धयितुं सङ्कल्पः कृतः। सभायां समाजस्य विभिन्नक्षेत्रैः सम्बद्धानां प्रबुद्धजनानां, यूनां, मातृशक्तेः पुरुषाणां च सार्थक-सहभागिता सुनिश्चितुं विशेषं बलं प्रदत्तम्।

‘प्रेरणा-विमर्श-२०२६’ इत्यस्य प्रथमदिने १९ सितम्बर २०२६ दिनाङ्के भव्य-दिव्येन ‘नारी-शक्ति-राष्ट्र-वन्दनेन’ आयोजनस्य उद्घाटनं भविष्यति। अयं कार्यक्रमः भारतीय-संस्कृतेः, सनातन-परम्परायाः, राष्ट्रभावनायाः नारी-शक्तेः सम्मानस्य च भावभूमौ आयोजितः भविष्यति। ‘नारी-शक्ति-राष्ट्र-वन्दन-यज्ञे’ प्रायः १००० मातृशक्तयः सहभागिन: भविष्यन्ति। भारतीय-परम्परानुसारं आयोज्यमानम् इदं कार्यक्रमं नारी-शक्तेः सम्मानस्य, सामर्थ्यस्य, स्वाभिमानस्य राष्ट्रजीवने तस्याः महत्त्वपूर्ण-योगदानं च प्रति समाजस्य कृतज्ञतां सम्मानं च प्रकटयिष्यति।

नारी-शक्ति-राष्ट्र-वन्दनस्य माध्यमेन अयं सन्देशः प्रदास्यते यत् नारी परिवारस्य, समाजस्य, राष्ट्रजीवनस्य च सृजनशक्तिः भवति तथा राष्ट्रनिर्माणस्य महत्त्वपूर्णा आधारशिला अपि अस्ति। तस्याः सम्मानं, सुरक्षां, स्वाभिमानं सामर्थ्यं च सुदृढं कर्तुं केवलं महिलानां विषयः नास्ति, अपितु सम्पूर्णस्य समाजस्य सहभाग-दायित्वम् अस्ति।

भारतीय-संस्कृतेः परम्परायाश्च विविध-व्यक्तिनां माध्यमेन कार्यक्रमे नारी-शक्तेः विविधाः स्वरूपाः, योगदानानि सामर्थ्यं च सम्मानपूर्वकं प्रस्तुतानि भविष्यन्ति।

आयोजनस्य द्वितीयदिने २० सितम्बर २०२६, रविवासरे प्रातः १० वादनतः मध्याह्न १२ वादनपर्यन्तं द्वे समानान्तरे विचार-सत्रे आयोजिते भविष्यतः।

एतयोः सत्रयोः यूनां प्रतिभां, ऊर्जां, नवाचारं रचनात्मक-सामर्थ्यं च राष्ट्रनिर्माणेन सह संयोजयित्वा प्रौद्योगिकी, कृत्रिम-बुद्धिमत्ता, डिजिटल-माध्यमानि, ब्लॉगिङ्ग्, सामाजिक-माध्यम-प्रभावकाः, उद्यमिता, कौशल-विकासः ‘विकसित-भारत’ इत्यादयः विषयाः चर्चिताः भविष्यन्ति।

युवानः प्रौद्योगिक्याः केवलं उपभोक्तारः न भूत्वा नवाचारस्य, उद्यमितायाः, डिजिटल-संवादस्य, कौशल-विकासस्य राष्ट्र-निर्माणस्य च सक्रिय-सहभागिनः कथं भवन्तु इति सम्भावनासु विचारः भविष्यति।

द्वितीये सभागारे ‘स्वाभिमानी नारी, सशक्त-भारत’ इति विषये प्रबुद्ध-संवादः भविष्यति। अस्मिन् आधुनिक-शोधस्य, शिक्षायाः, माध्यमानां, विज्ञानस्य, साहित्यस्य, उद्यमितायाः सामाजिकक्षेत्रस्य च नारी-नेतृत्वस्य योगदानस्य च विविधाः आयामाः चर्चिताः भविष्यन्ति। अस्य सत्रस्य विशेषता एषा भविष्यति यत् अस्मिन् केवलं मातृशक्तेः एव न, अपितु पुरुषाणामपि सक्रिय-सार्थक-सहभागिता भविष्यति। नारी-सम्मानं, स्वाभिमानं सशक्तीकरणं च केवलं महिलानां विषयः न मन्यते, अपितु सम्पूर्णस्य समाजस्य साझा-दायित्वम् इति दृष्ट्या एतत् विमर्शस्य केन्द्रं भविष्यति।

उभयोः समानान्तर-विचार-सत्रयोः अनन्तरं २० सितम्बर-दिनाङ्के सायं ३ वादनतः ५ वादनपर्यन्तं सामूहिक-समापन-समारोहः आयोजितः भविष्यति। समापन-समारोहे गौतम-बुद्ध-विश्व-विद्यालयस्य कुलाधिपतेः उत्तरप्रदेशस्य मुख्यमन्त्रिणश्च उपस्थितिः भविष्यति।

Hindusthan Samachar / Divya Ranjan