Enter your Email Address to subscribe to our newsletters
ओरेगनम्, 10 अगस्तमासः (हि.स.)।
विश्व एथलेटिक्स् अधोनविंशतिवर्षीयानां प्रतियोगितायां २०२६ तमे वर्षे भारतं त्रिभिः पदकैः सह पदकतालिकायां सप्तविंशतितमे स्थाने स्थितम्। भारतं प्रतियोगितायाः अन्तिमदिने किमपि पदकं प्राप्तुं न अशक्नोत् तथा च तस्य अभियानं द्वाभ्यां रजतपदकाभ्यां कांस्यपदकेन च समाप्तम्।
भारतस्य कृते भालाप्रक्षेपणे आशीषयादवः रजतपदकं प्राप्तवान्। ततः बसन्तकुमारमेघवालः पुरुषाणां उच्चकूदने रजतपदकं प्राप्तवान्, यदा तु शाहनवाजखानः पुरुषाणां दीर्घकूदने कांस्यपदकं जित्वा भारताय तृतीयं पदकं प्रदत्तवान्।
बसन्तकुमारमेघवालस्य रजतपदकं विश्वस्य अधोनविंशतिवर्षीयानां प्रतियोगितायां पुरुषाणां उच्चकूदने भारतस्य प्रथमं पदकम् आसीत्।
तथैव शाहनवाजः पुरुषाणां दीर्घकूदने पदकं प्राप्तवान् प्रथमः भारतीयः पुरुषः क्रीडकः अभवत्।
संयुक्तराज्यम् अमेरिकादेशः पदकतालिकायां प्रथमस्थानं प्राप्तवान्। अमेरिकादेशेन कुलतः अष्टादश पदकानि प्राप्तानि, येषु द्वादश स्वर्णपदकानि, सप्त रजतपदकानि, पञ्च कांस्यपदकानि च सन्ति।
केन्या एकादश पदकैः द्वितीयस्थाने तथा इटली पञ्च पदकैः तृतीयस्थाने स्थितः।
विश्व एथलेटिक्स् अधोनविंशतिवर्षीयानां प्रतियोगितायाः २०२६ तमवर्षस्य पदकतालिकायाः स्थितिः एतादृशी आसीत्।
संयुक्तराज्यम् अमेरिकादेशः द्वादश स्वर्णपदकैः, सप्त रजतपदकैः, पञ्च कांस्यपदकैः च सह कुलतः अष्टादश पदकैः प्रथमस्थाने स्थितः।
केन्या चत्वारि स्वर्णपदकानि, त्रीणि रजतपदकानि, चत्वारि कांस्यपदकानि च सहितं कुलतः एकादश पदकैः द्वितीयस्थाने स्थितः।
इटलीदेशेन त्रीणि स्वर्णपदकानि द्वे कांस्यपदके च सहितं कुलतः पञ्च पदकानि प्राप्त्वा तृतीयस्थानं प्राप्तम्।
जमैका द्वाभ्यां स्वर्णपदकाभ्यां, त्रिभिः रजतपदकैः, त्रिभिः कांस्यपदकैः च सहितं कुलतः अष्ट पदकैः चतुर्थस्थाने स्थितः।
आस्ट्रेलियादेशः इथियोपियादेशश्च षड्भिः षड्भिः पदकैः संयुक्तरूपेण पञ्चमस्थाने स्थितौ।
फ्रान्सदेशः षड्भिः पदकैः सप्तमस्थाने, चीनदेशः पञ्च पदकैः अष्टमस्थाने, चेकियादेशः चतुर्भिः पदकैः नवमस्थाने च स्थितः।
भारतं द्वाभ्यां रजतपदकाभ्यां एकेन कांस्यपदकेन च सहितं कुलतः त्रिभिः पदकैः सप्तविंशतितमे स्थाने स्थितम्।
---------------
Hindusthan Samachar / Dheeraj Maithani