Enter your Email Address to subscribe to our newsletters
- सहस्रं जनाः हस्तेषु तिरंगध्वजं नीत्वा निर्गता यात्रा, क्रांतिकारिभ्यो दत्तश्श्रद्धांजलिः
मीरजापुरम्, 10 अगस्तमासः (हि.स.)। मातुर्विंध्यवासिन्याः नगरी मीरजापुरं सोमवासरे देशभक्तेः रङ्गे रङ्गितमिव दृश्यते स्म। ‘हर घर तिरंगा’ इत्यभियानस्य अन्तर्गतं विंध्याचलात् निर्गता भव्यतिरङ्गयात्रा सहस्राधिकैः जनैः सहभागिता कृता। हस्तेषु लहरद्भिः तिरङ्गध्वजैः ढोलताशानां च घोषेण सह जनाः ‘भारत माता की जय’, ‘वन्दे मातरम्’ इति घोषान् कृतवन्तः।
भाजपाजिलाध्यक्षस्य लालबहादुरसरोजस्य अध्यक्षतायां यात्रायाः शुभारम्भः नगरविधायकस्य रत्नाकरमिश्रस्य बावलीचौराहास्थितात् आवासात् अभवत्। यात्रायां राज्यमन्त्री सोहनलालश्रीमाली, भाजपामहिलामोर्चायाः राष्ट्रियकार्यकारिणीसदस्या आयुषीश्रीमाली, नगरपालिकाध्यक्षः श्यामसुन्दरकेशरी इत्यादयः बहवः कार्यकर्तारः नागरिकाश्च सम्मिलिताः।
तिरङ्गयात्रा स्टेटबैंकचौराहं, पुरानीवीआईपी, मन्दिरपरिसरं, सदरबाजारं, बरतरतिराहं, बङ्गालीचौराहं च अतिक्रम्य पुनः बावलीचौराहास्थितं शिविरकार्यालयं प्राप्तवती। सम्पूर्णे मार्गे देशभक्तिपरघोषैः वातावरणं गुञ्जायमानम् अभवत्। हस्तेषु तिरङ्गध्वजं धृत्वा बालकानां, युवानां, वृद्धानां च उत्साहः दर्शनीयः आसीत्।
समापनावसरे नगरविधायकः रत्नाकरमिश्रः अवदत् यत् माता विंध्यवासिन्याः दरबारात् तिरङ्गयात्रायाः शुभारम्भः देशाय बलिदानं दत्तवद्भ्यः क्रान्तिकारिभ्यः सच्ची श्रद्धाञ्जलिः अस्ति। सः अवदत् यत् यात्रायां नगरविधानसभाक्षेत्रस्य नागरिकैः सह भाजपायाः पदाधिकारिणः, मण्डलाध्यक्षाः, सभासदः कार्यकर्तारश्च सम्मिलिताः।
यात्रायाः संयोजकः भाजपासहकोषाध्यक्षः महेन्द्रजायसवालः, सहसंयोजकः आलोकबर्णवालः इत्येताभ्यां सह बहवः भाजपापदाधिकारिणः कार्यकर्तारश्च उपस्थिताः आसन्।
---------------
Hindusthan Samachar / Dheeraj Maithani