- असंख्यहस्तेषु अलोलयत् त्रिवर्णध्वजः, सांस्कृतिककार्यक्रमानां प्रस्तुतिभिः प्रवाहितः देशभक्तेः प्रवाहः

- चतुर्दिक्षु त्रिवर्णध्वजैः रङ्गितां सज्जितां च गुरुगोरखनाथस्य नगरीं भव्यस्य नयनाभिरामस्य च दृश्यस्य साक्षिणीं अभवत्।

गोरखपुरम्, १० अगस्तमासः (हि.सं.)। अनगिनतगुब्बारकैः ध्वजैश्च मध्ये त्रिवर्णध्वजेन रङ्गितः सज्जितश्च आसीत् ढाई किलोमीटरपरिमितः मार्गः। असंख्यहस्तेषु लोलायमानः राष्ट्रध्वजः त्रिवर्णध्वजः, ‘वन्दे मातरम्’ तथा ‘भारत माता की जय’ इत्येतयोः पुनः पुनः तरङ्गिताः उच्चस्वराः। सांस्कृतिककार्यक्रमाणां मध्ये पुष्पवर्षणस्य निरवच्छिन्ना श्रृङ्खला च। राष्ट्रं प्रथमम् इति भावनया ओतप्रोतः गोरखपुरमहानगरः मुख्यमन्त्रिणः योगी आदित्यनाथस्य नेतृत्वे सोमवासरे निर्गतया त्रिवर्णध्वजयात्रया भव्यस्य नयनाभिरामस्य च दृश्यस्य साक्षी अभवत्। नगरनिगमपरिसरात् रेलस्थानकचत्वरपर्यन्तं निर्गतायां अस्यां त्रिवर्णध्वजयात्रायां देशभक्तेः प्रवाहः प्रवाहितः, राष्ट्रं प्रथमम् इति उद्घोषश्च सर्वत्र गुंजायमानः अभवत्। हस्ते त्रिवर्णध्वजं धृत्वा प्रायः ढाई किलोमीटरपर्यन्तं पदयात्रां कुर्वते मुख्यमन्त्रिणे योगी आदित्यनाथाय पुष्पवर्षणं कर्तुं गुरुगोरखनाथस्य नगर्याः प्रत्येकः नागरिकः उत्साहितः दृश्यते स्म।

त्रिवर्णध्वजयात्रायाः शुभारम्भसमये मुख्यमन्त्री योगी आदित्यनाथः नगरनिगमपरिसरस्य उद्याने स्थापितायाः वीराङ्गना महाराणी लक्ष्मीबाईयाः प्रतिमायाः माल्यार्पणं पुष्पार्चनं च कृत्वा प्रथमस्वातन्त्र्यसंग्रामे तस्याः योगदानं स्मृतवान्। तत्पश्चात् मञ्चं प्राप्य सः भारतमातुः चित्रे पुष्पाञ्जलिं समर्प्य स्वीयं सम्बोधनं कृतवान्। अनन्तरं सः टाउनहॉलं प्राप्य राष्ट्रपितुः महात्मागान्धिनः प्रतिमायां माल्यार्पणं कृत्वा त्रिवर्णध्वजयात्रायाः नेतृत्वं कुर्वन् अग्रे प्रस्थितवान्। त्रिवर्णध्वजयात्रायां मुख्यमन्त्रिणा सह सांसदः रविकिशनशुक्लः, महापौरः डॉ. मंगलेश श्रीवास्तवः तथा अन्ये जनप्रतिनिधयः सहैव पदानि अग्रे वर्धयन्तः आसन्। तेषां समानान्तरे उत्साहेन परिपूर्णाः विद्यालयीयबालकाश्च चलन्तः आसन्। सर्वेषां हस्तेषु राष्ट्रध्वजः लोलायमानः आसीत् तथा राष्ट्रभक्तेः उद्घोषैः सम्पूर्णं क्षेत्रं गुंजायमानम् अभवत्।

मुख्यमन्त्रिणः योगी आदित्यनाथस्य नेतृत्वे त्रिवर्णध्वजयात्रा यथा यथा अग्रे वर्धमाना अभवत् तथा तथा सम्पूर्णः मार्गः राष्ट्रध्वजस्य वर्णैः प्रतिबिम्बितः भवति स्म। त्रिवर्णध्वजयात्रायां ‘वन्दे मातरम्’ तथा ‘भारत माता की जय’ इत्येते उद्घोषाः देशभक्तेः ज्वारस्य वातावरणं निर्मापयन्ति स्म। नगरनिगमात् आरभ्य रेलस्थानकचत्वरे स्थितायाः महाराणा प्रतापस्य प्रतिमापर्यन्तं मार्गस्य पार्श्वे पूर्वमेव उपस्थिताः सर्ववयस्काः जनाः, विभिन्नानां सामाजिकानां, सांस्कृतिकानां, व्यापारिकानां च सङ्गठनानां सदस्याः जयघोषैः सह पुष्पवर्षणं कृत्वा मुख्यमन्त्रिणः योगी आदित्यनाथस्य स्वागतं कृतवन्तः। मुख्यमन्त्री रेलस्थानकस्य सम्मुखे स्थितायां महाराणा प्रतापस्य प्रतिमायां पुष्पार्चनं कृत्वा यात्रां विरामं दत्तवान्। अस्मिन् अवसरे मुख्यमन्त्रिणा केभ्यश्चित् बालकेभ्यः चॉकलेट् अपि प्रदत्तम्।

१६ स्थानेषु अभवत् त्रिवर्णध्वजयात्रायाः भव्यं स्वागतं

त्रिवर्णध्वजयात्रायाः मार्गे षोडशस्थानेषु विभिन्नसङ्गठनानां पक्षतः ढोलवाद्यानां नगाडानां च घोषेण सह पुष्पवर्षणं कृत्वा मुख्यमन्त्रिणः योगी आदित्यनाथस्य नेतृत्वे निर्गतायाः त्रिवर्णध्वजयात्रायाः भव्यं स्वागतं कृतम्। होटल शिवायस्य सम्मुखे औषधिविक्रेतृसमित्या, पतञ्जलि-भण्डारस्य सम्मुखे मारवाडी युवामञ्चेन, कचहरीचत्वरे अधिवक्तापरिषदा, कृपालवस्त्रालयस्य सम्मुखे सिन्धीसमाजेन, जलकलस्य सम्मुखे गोलघरव्यापारमण्डलेन, गांधीआश्रमस्य सम्मुखे चलदूरभाष एवं इलेक्ट्रॉनिकसेवासमित्या, बलदेवप्लाजायाः सम्मुखे बलदेवप्लाजाव्यापारसङ्घेन, गणेशचत्वरे सिखसमाजेन, नेशनलमेडिकलस्टोरस्य समीपे अखिलभारतीयउद्योगव्यापारमण्डलेन, कालीमन्दिरस्य समीपे पार्षदेन मनु जायसवालेन, साइबरपुलिसस्थानकस्य सम्मुखे पूर्वाञ्चलउद्योगव्यापारमण्डलेन, पुलिसलाइनतिराहे सराफामण्डलेन, सीओकार्यालयस्य सम्मुखे अखिलभारतीयउद्योगव्यापारमण्डलेन, यातायाततिराहे राप्तीकॉम्प्लेक्सव्यापारसङ्घेन, मालकिनहोटलस्य समीपे चिकित्साप्रकोष्ठेन तथा वरदानहोटलस्य सम्मुखे शिक्षकप्रकोष्ठेन यात्रायाः भव्यं स्वागतं अभिनन्दनं च कृतम्।

८ स्थानेषु सांस्कृतिकप्रस्तुतिभिः त्रिवर्णध्वजयात्रायाः अभिनन्दनम्

त्रिवर्णध्वजयात्रां स्मरणीयां कर्तुं सांस्कृतिककर्मिभिः लोककलाकारैश्च अपि किमपि न्यूनं न कृतम्। यात्रायाः अष्टस्थानेषु सांस्कृतिकप्रस्तुतिभिः अभिनन्दनं कृतम्। होटल शिवायस्य समीपे बण्टीबाबासमूहेन, कचहरीचत्वरे सोनिकासिंहसमूहेन, जलकलस्थले सुगमसिंहसमूहेन, गोलघरसेण्ट्रलस्य सम्मुखे रुचिकोरीसमूहेन, कालीमन्दिरस्य समीपे हीनाकौमलशर्मासमूहेन, पुलिसलाइनतिराहे प्रेमपरायासमूहेन, यातायाततिराहे गजेन्द्रसमूहेन तथा वरदानहोटलस्य समीपे विन्ध्याचलआजादसमूहेन सांस्कृतिककार्यक्रमाः प्रस्तुताः।

Hindusthan Samachar / Dheeraj Maithani