Enter your Email Address to subscribe to our newsletters
फर्रुखाबादम्, 10 अगस्तमासः(हि. स .)।फर्रुखाबादस्य आधारभूतशिक्षाविभागस्य पक्षतः ‘हर घर तिरंगा’ इत्यभियानस्य अन्तर्गतं सोमवासरे रहमानी गर्ल्स इण्टर कॉलेज, फर्रुखाबादे तथा मण्डीपरिसरे अर्रापहाड़पुरे च बाढपीडितबालकानां कृते चित्रकलाप्रतियोगितायाः आयोजनं कृतम्।
बाढ्याः विषमपरिस्थितीनां विविधचुनौतीनां च सत्त्वेऽपि बालकाः पूर्णोत्साहेन हर्षोल्लासेन च प्रतियोगितायां वर्धमानरूपेण सहभागितां कृतवन्तः। बालकैः स्वकीयकल्पनाशीलतया सृजनात्मकप्रतिभया च तिरङ्गध्वजस्य, राष्ट्रप्रेम्णः, देशभक्तेः च सम्बन्धितानि मनोहराणि चित्राणि निर्मितानि।
प्रतियोगितायाः माध्यमेन बालकेषु राष्ट्रियभावनायाः, सृजनात्मकाभिव्यक्तेः, सकारात्मकचिन्तनस्य च प्रोत्साहनं कृतम्।
कार्यक्रमे नगरस्य खण्डशिक्षाधिकारी आई०पी०सिंहः तथा सदरस्य नायबतहसीलदारः उपस्थितौ आस्ताम्। अधिकारिभ्यां बालकानाम् उत्साहवर्धनं कुर्वद्भ्यां तेषां प्रतिभायाः प्रशंसा कृता।
--------------
Hindusthan Samachar / Dheeraj Maithani