—16 जिल्लानां मंडल-वार्डक्षेत्रेषु 1 तः2 किमीपर्यन्तं लंबा तिरंगा यात्राणाम् आरंभः

वाराणसी, 10 अगस्तमासः (हि.स.)। प्रधानमन्त्रीनरेन्द्रमोदिना वर्षे द्विसहस्रद्वाविंशतौ “सर्वेषु गृहेषु त्रिवर्णध्वजः” इत्यभियानस्य शुभारम्भः कृतः आसीत्। प्रधानमन्त्रीनः आह्वानं व्यापकजनाभियानस्य रूपं प्रदाय भारतीयजनतापार्टीकाशीक्षेत्रेण सोमवासरात् त्रिवर्णध्वजयात्राभियानस्य शुभारम्भः कृतः। काशीक्षेत्रान्तर्गते वाराणसीजनपदे महानगरे च सहितेषु सर्वेषु षोडशजनपदेषु मण्डलेषु महानगराणां वार्डेषु च एकतः द्विकिलोमीटरपर्यन्तं दीर्घाः त्रिवर्णध्वजयात्राः अगस्तमासस्य दशमीतः द्वादशीपर्यन्तं निष्कास्यन्ते। ततः अगस्तमासस्य त्रयोदश्यां सर्वेषु जनपदमुख्यालयेषु समाजस्य सर्वेषां वर्गाणां सहभागितया भव्याः त्रिवर्णध्वजयात्राः निष्कास्यन्ते।

क्षेत्राध्यक्षः अशोकचौरसियानुसारं सर्वेषु षोडशजनपदेषु अगस्तमासस्य त्रयोदश्याः कार्यक्रमस्य सज्जता पूर्णा कृता अस्ति। अस्य अभियानस्य उद्देशः राष्ट्रभक्तेः सन्देशं जनजनं प्रति प्रेषयितुं राष्ट्रियैकतायाः अखण्डतायाश्च वातावरणं सुदृढं कर्तुं च अस्ति। तेन उक्तं यत् प्रधानमन्त्रीनरेन्द्रमोदिना शहीदानां स्मृतिं संरक्षितुं प्रत्येकं नागरिकं च देशस्य गौरवेण सह संयोजयितुं वर्षे द्विसहस्रद्वाविंशतौ “सर्वेषु गृहेषु त्रिवर्णध्वजः” इत्यभियानस्य संकल्पना प्रदत्ता आसीत्, या अधुना व्यापकजनाभियानस्य रूपं प्राप्तवती अस्ति।

उत्तरप्रदेशस्य कृते त्रिवर्णध्वजः विशेषसम्मानस्य प्रतीकम् अस्ति, यतः प्रथमस्वातन्त्र्यसङ्ग्रामात् आरभ्य स्वातन्त्र्यस्य अन्तिमसङ्घर्षपर्यन्तं प्रदेशस्य वीराः वर्धमानोत्साहेन भागं गृहीतवन्तः। मङ्गलपाण्डेयः, तात्याटोपे, राणीलक्ष्मीबाई, बिजलीपासिनाम्नी, ऊदादेवी, पण्डितरामप्रसादबिस्मिलः, अशफाकउल्लाखानः, चन्द्रशेखरआजादः इत्यादयः वीराः स्वबलिदानेन स्वातन्त्र्यसङ्ग्रामस्य ज्वालां प्रज्वलितां रक्षितवन्तः। त्रिवर्णध्वजः तेषां परमबलिदानस्य पावनं प्रतीकम् अस्ति।

तेन उक्तं यत् त्रिवर्णध्वजयात्रासु भारतीयजनतायुवामोर्चायाः अग्रणी भूमिका भविष्यति, महिला मोर्चासहिताः सर्वे मोर्चाः प्रकोष्ठाश्च सक्रियसहभागितां करिष्यन्ति। अगस्तमासस्य द्वादशीतः चतुर्दशीपर्यन्तं स्वातन्त्र्यसङ्ग्रामसम्बद्धेषु स्मारकेषु, शहीदस्थलेषु महत्त्वपूर्णस्थलेषु च स्वच्छताभियानं सञ्चाल्य महापुरुषाणां शहीदानां च प्रतिमासु पुष्पाञ्जलिः अर्पयिष्यते।

तेन उक्तं यत् अगस्तमासस्य चतुर्दश्यां विभाजनविभीषिकास्मृतिदिवसे सर्वेषु जनपदेषु बैनर्-पट्टिकाभिः प्लेकार्ड्-पट्टिकाभिश्च सह मौनयात्राः तथा जनपदस्तरे सङ्गोष्ठ्यश्च आयोजिताः भविष्यन्ति। विभाजनसम्बद्धानां संस्मरणानां माध्यमेन नवसन्ततिं तस्य ऐतिहासिकदुःखेन परिचाययित्वा राष्ट्रियैकतायाः अखण्डतायाश्च सन्देशः प्रदास्यते।

काशीक्षेत्रस्य माध्यमप्रभारी नवरतनराठी सोमवासरे उक्तवान् यत् अभियानस्य सफलसञ्चालनाय क्षेत्रस्तरे समितिः गठिता अस्ति। नागेश्वरदेवपाण्डेयः संयोजकः, शैलेन्द्रमौर्यः, नम्रताचौरसिया, अजीतरावतः देवेन्द्रमौर्यश्च सहसंयोजकाः नियुक्ताः सन्ति। समितिः प्रतिदिनम् अभियानस्य गतिविधीनां संसूचनां प्राप्य सर्वेषु षोडशजनपदेषु कार्यक्रमाणां पर्यवेक्षणं करिष्यति।

Hindusthan Samachar / Dheeraj Maithani