नैनीतालम्, 11 अगस्तमासः (हि.स.)।

कुमाऊँमण्डलस्य आयुक्तः मुख्यमन्त्रिणः सचिवश्च दीपकरावतः मङ्गलवासरे जिलाविकासप्राधिकरणस्य सभागारे निर्माणशाखायाः उत्तराखण्डपेयजलनिगमस्य च माध्यमेन कुमाऊँमण्डले पञ्चकोटिरूप्यकेभ्यः अधिकव्ययेन निर्माणाधीनानां परियोजनानां प्रगतेः समीक्षां कृतवान्। तेन अधिकारिभ्यः सर्वाणि कार्याणि निर्धारितसमये गुणवत्तापूर्वकं पारदर्शितया च पूर्णानि कर्तुं तथा निर्माणकार्येषु उत्पद्यमानानां तान्त्रिकानां, प्रशासनिकानां अन्येषां च बाधानां सम्बद्धविभागैः सह समन्वयं कृत्वा शीघ्रं समाधानं कर्तुं निर्देशाः प्रदत्ताः।

उपवेशने सूचितं यत् मण्डले एतादृशानि द्विपञ्चाशत् निर्माणकार्याणि सञ्चाल्यमानानि सन्ति, येषु अधिकांशानि कार्याणि प्रगतिपथे सन्ति। तेषु ऊधमसिंहनगरजनपदे सप्त, चम्पावत्जनपदे पञ्चदश, नैनीतालजनपदे सप्त, अल्मोड़ाजनपदे षट्, बागेश्वरजनपदे एकं तथा पिथौरागढजनपदे पञ्च निर्माणकार्याणि निर्माणाधीनानि सन्ति।

समीक्षायां रुद्रपुरस्य राजकीयवैद्यकीयमहाविद्यालयस्य, सितारगञ्जस्य कारागारस्य विस्तारस्य, केन्द्रीयकारागारस्य सम्पूर्णानन्दशिविरस्य च, काठगोदामस्य बसस्थानकस्य, मेट्रोपोलहोटलपरिसरे पृष्ठभागस्थपार्किङ्गव्यवस्थायाः, रामनगरस्य बसस्थानकस्य बसस्थानकभाण्डारस्य च, सोबनसिंहजीनावैद्यकीयविज्ञानानुसन्धानसंस्थानस्य, गरुडस्य गणाईगंगोलीस्य च राजकीयपॉलिटेक्निकसंस्थानयोः तथा विभिन्नराजकीयपॉलिटेक्निकसंस्थानानां, टनकपुरे अन्तर्राज्यीयबसस्थानकस्य, मार्गपरिवहननिगमस्य बसस्थानकभाण्डारस्य कार्यशालाभवनस्य च, चम्पावतस्य लोहाघाटस्य च अग्निशमनकेन्द्रयोः, टनकपुरस्य अभियान्त्रिकीमहाविद्यालयस्य, पिथौरागढस्य आधारचिकित्सालयस्य, बेरीनागस्य राजकीयस्नातकोत्तरमहाविद्यालयस्य परीक्षाभवनस्य तथा विभिन्नानां परियोजनानां प्रगतेः विषये सूचनाः प्रदत्ताः।

सूचितं यत् एकं कार्यं वनभूमेः हस्तान्तरणसम्बन्धेन तथा एकं प्रकरणं न्यायालये लम्बितत्वेन प्रभावितम् अस्ति। क्रीडाशाखायाः चतुरः कार्येषु त्रयः अपि प्रगतिशीलाः सन्ति। आयुक्तेन सर्वासां परियोजनानां नियमितनिरीक्षणं, निर्माणस्य गुणवत्तायाः सुनिश्चितीकरणं तथा लम्बितप्रकरणानां शीघ्रनिस्तारणं कर्तुं निर्देशाः प्रदत्ताः।

उपवेशने पेयजलनिगमस्य मुख्याभियन्ता आलोककुमारः, निर्माणविभागस्य पेयजलनिगमस्य च महाप्रबन्धकः अनुजपाण्डेयः, अल्मोड़ायाः अधीक्षणाभियन्ता सन्दीपकश्यपः, ऊधमसिंहनगरस्य मनीषकरारा, हल्द्वानीस्य एकेकटारिया, अर्थसङ्ख्याविभागस्य संयुक्तनिदेशकः राजेन्द्रतिवारी, रुद्रपुरस्य परियोजनाप्रबन्धकः नरेन्द्रनवानी, हल्द्वानीस्य एसपीबडोनी, क्रीडाइकायाः परियोजनाप्रबन्धकः रविन्द्रकुमारः सहिताः सम्बद्धाः अधिकारिणः उपस्थिताः आसन्।

Hindusthan Samachar / Dheeraj Maithani