Enter your Email Address to subscribe to our newsletters
श्रीनगरम्, 11 अगस्तमासः (हि.स.)।
कश्मीरस्य पुलिसमहानिरीक्षकः वी. के. बिरदी मङ्गलवासरे अवदत् यत् अगस्तमासस्य १५ दिनाङ्के आयोज्यमानस्य स्वातन्त्र्यदिवसस्य समारोहस्य पूर्वं सम्पूर्णे कश्मीरप्रदेशे बहुस्तरीयाः सुरक्षाव्यवस्थाः कृताः सन्ति। लालचौकस्य भ्रमणं कृत्वा तत्रत्याः सज्जतायाः निरीक्षणानन्तरं पत्रकारैः सह वार्तालापं कुर्वन् सः अवदत् यत् सुरक्षाव्यवस्थाः केवलं मुख्यकार्यक्रमस्थलेष्वेव न, अपितु श्रीनगरनगरे उपत्यकायाः सर्वेषु जनपदेष्वपि क्रियन्ते।
सः अवदत् यत् बहुस्तरीया सुरक्षाव्यवस्था न केवलं कार्यक्रमस्थलेषु, अपितु नगरस्य समीपवर्तिषु क्षेत्रेषु तथा उपत्यकायाः सर्वेषु जनपदेष्वपि कार्यान्विता अस्ति।
सः अवदत् यत् श्रीनगरे स्वातन्त्र्यदिवसस्य मुख्यकार्यक्रमस्य सज्जताकार्यं प्रचलति। कार्यक्रमस्य निर्विघ्नसञ्चालनं सुनिश्चितुं पूर्णवेषाभ्यासः अन्याः व्यवस्थाश्च क्रियन्ते।
दक्षिणकश्मीरे अर्वाचीनसमये अभवतां आतङ्कवादिनां आक्रमणानां विषये पृष्टः पुलिसमहानिरीक्षकः अवदत् यत् एतत् प्रकरणम् अन्वेषणस्य अधीनम् अस्ति। सः अवदत्, “मम न मन्ये यत् अस्मिन् समये अस्य विषये चर्चा करणम् उचितम् अस्ति। यदा किमपि तादृशं तथ्यं भविष्यति यत् भवद्भ्यः संसूचयितुं शक्यते, तदा उचितसमये तत् भवद्भ्यः संसूचयिष्यामः।”
बिरदी जनान् स्वातन्त्र्यदिवसस्य समारोहं प्रति बहुसंख्यया सहभागितां कर्तुम् अपि आहूतवान्। सः अवदत् यत् एषः कार्यक्रमः जनानामेव अस्ति। पुलिस एकस्य आयोजकस्य रूपेण कार्यं करोति। यतः एषः जनानां कार्यक्रमः अस्ति, अतः वयं जनान् आह्वयामः यत् ते बहुसंख्यया अस्मिन् कार्यक्रमे सहभागितां कुर्वन्तु, येन कार्यक्रमः सफलतया सम्पन्नः कर्तुं शक्येत।
---------------
Hindusthan Samachar / Dheeraj Maithani