नवदिल्ली, ११ अगस्तमासः (हि.स.)। लोकसभाध्यक्षः ओम-बिरला, केन्द्रीय-गृह-सहकारितामन्त्री अमित-शाहः तथा भारतीय-जनता-पक्षस्य राष्ट्रीयाध्यक्षः नितिन-नवीनः इत्यादयः अनेके नेतारः मङ्गलवासरे अमर-क्रान्तिकारी-बलिदानी-खुदीराम-बोसस्य बलिदान-दिवसस्य अवसरे तस्मै श्रद्धाञ्जलिं समर्पितवन्तः।

ओम-बिरला एक्स-माध्यमे लिखितवान्— “अमर-क्रान्तिकारी-बलिदानी-खुदीराम-बोसस्य बलिदान-दिवसे तस्मै विनम्रां श्रद्धाञ्जलिं कोटिशः नमनं च। मातृभूम्यै हसन् हसन् स्वजीवनं समर्पितवतः अस्य वीरसुतस्य त्यागः बलिदानं च सदैव अस्माकं राष्ट्रीय-चेतनां प्रेरयिष्यति।”

शाहः उक्तवान् यत् मातृभूमिं दास्यस्य शृङ्खलाभ्यः मोक्तुं खुदीराम-बोसेन अल्पायुषि एव सशस्त्र-क्रान्तेः उद्घोषः कृतः तथा स्वसाहसेन, शौर्येण त्यागेन च ब्रिटिश-साम्राज्यस्य आधारः कम्पितः। केवलं १८ वर्षस्य वयसि हसन् हसन् मृत्युदण्डं स्वीकृतवता खुदीराम-बोसेन राष्ट्रभक्तेः परम-समर्पणस्य च अमिटां गाथां रचिता, या युगान् युगान् देशस्य युवसु शौर्यस्य, स्वाभिमानस्य राष्ट्र-सेवायाश्च प्रेरणास्रोतः भविष्यति।

नितिन-नवीनः उक्तवान् यत् तस्य निर्भीकं व्यक्तित्वम् अटूटः सङ्कल्पश्च अद्यापि यूनां कृते प्रेरणास्रोतः अस्ति। राष्ट्रप्रेम्णा, साहसेन परम-बलिदानेन च परिपूर्णं तस्य जीवनम् अद्यापि सर्वान् मातृभूमेः सेवायै राष्ट्रं प्रति समर्पणाय च प्रेरयति।

रक्षामन्त्री राजनाथ-सिंहः उक्तवान् यत् भारतमातां दास्यस्य शृङ्खलाभ्यः मोक्तुं स्वजीवनस्य परमं बलिदानं दत्तवतः खुदीराम-बोसस्य अदम्यं साहसम्, अटूटां राष्ट्रभक्तिं राष्ट्रं प्रति च समर्पणं भारतीय-स्वातन्त्र्य-सङ्ग्रामस्य इतिहासे सदैव स्मरणीयं भविष्यति। एतादृशे अल्पे वयसि तेन या निर्भीकता दृढसङ्कल्पश्च प्रदर्शितः, सः भावि-वंशानां कृते राष्ट्रप्रेम्णः त्यागस्य च प्रेरणां ददाति।

केन्द्रीय-कृषि-कृषक-कल्याणमन्त्री शिवराज-सिंह-चौहानः उक्तवान् यत् मातृभूमेः सेवायै समर्पितं तस्य जीवनम् ओजस्विनश्च विचाराः सदैव युवानः राष्ट्रसेवायै प्रेरयिष्यन्ति।

केन्द्रीय-वस्त्र-मन्त्री गिरिराज-सिंहः उक्तवान् यत् अल्पायुषि एव देशस्य स्वातन्त्र्यार्थं स्वप्राणान् समर्पितवतः अमर-बलिदानिनः साहसम्, समर्पणं राष्ट्रप्रेम च देशवासिनः सदैव प्रेरयिष्यति।

Hindusthan Samachar / Divya Ranjan