नवदिल्ली, ११ अगस्तमासः (हि.स.)। प्रधानमन्त्री नरेन्द्रमोदी बुधवासरे विज्ञानभवने पूर्वराष्ट्रपतेः रामनाथ-कोविन्दस्य आत्मकथायाः ‘ट्रायम्फ ऑफ द इण्डियन रिपब्लिक: माई लाइफ, माई स्ट्रगल्स’ इत्यस्याः विमोचनं करिष्यति। अस्मिन् अवसरे प्रधानमन्त्री सभां सम्बोधयिष्यति।

प्रधानमन्त्रीकार्यालयेन मङ्गलवासरे प्रकाशिते निवेदने उक्तं यत् प्रधानमन्त्रिणा अस्याः आत्मकथायाः विमोचनं भारतस्य एकस्य अत्यन्तप्रतिष्ठितस्य सार्वजनिक-व्यक्तित्वस्य जीवनस्य योगदानस्य च अभिनन्दनस्य विशेषः अवसरः भविष्यति। एषा आत्मकथा रामनाथ-कोविन्दस्य जीवनस्य, संघर्षाणां उपलब्धीनां च व्यक्तिगतयात्रां प्रकाशयति। पुस्तके तस्य प्रारम्भिकजीवनात् आरभ्य सार्वजनिक-जीवनस्य देशस्य चतुर्दशतम-राष्ट्रपतेः रूपेण सेवापर्यन्तं महत्त्वपूर्णानां सोपानानां उल्लेखः कृतः अस्ति।

आत्मकथायां कोविन्दस्य जीवनं आकारयितुं प्रमुखभूमिकां निर्वहद्भिः मूल्यानुभवैः परिस्थितिभिश्च सह अपि प्रकाशः पातितः अस्ति। एतत् पुस्तकं तस्य सार्वजनिकजीवनस्य देशसेवायाः च काले प्राप्तानाम् अनुभवानाां व्यक्तिगत-दृष्टिकोणं प्रस्तौति।

Hindusthan Samachar / Divya Ranjan