Enter your Email Address to subscribe to our newsletters
धर्मशाला, 11 अगस्तमासः (हि.स.)।
पद्मश्रीपुरस्कारेण सम्मानितः वरिष्ठचिकित्सकः डॉ. ओमेशभारती काङ्गडाजनपदस्य नूतनः मुख्यचिकित्साधिकारी अर्थात् सीएमओ इति पदे नियुक्तः अस्ति। तस्य नियुक्तेः स्वास्थ्यविभागसम्बद्धैः अधिकारिभिः, चिकित्सकैः कर्मचारिभिश्च स्वागतं कृतम् अस्ति।
स्वास्थ्यसेवाक्षेत्रसम्बद्धैः जनैः डॉ. ओमेशभारत्यै नूतनदायित्वस्य कृते हार्दिकाः बधाईशुभकामनाश्च प्रदत्ताः। ते आशां प्रकटितवन्तः यत् डॉ. भारत्याः व्यापकानुभवस्य नेतृत्वस्य च अधीनतायां काङ्गडाजनपदस्य स्वास्थ्यसेवाः अधिकं सुदृढाः भविष्यन्ति तथा सामान्यजनानां कृते उत्तमस्वास्थ्यसुविधाः उपलब्धाः कर्तुं प्रभाविपदानि स्वीक्रियन्ते।
डॉ. ओमेशभारत्यै नूतनदायित्वस्य कृते जनपदस्य स्वास्थ्याधिकारिभिः हार्दिकाः शुभकामनाः प्रदत्ताः तथा सफलकार्यकालस्य कामना कृता।
उल्लेखनीयं यत् इतः पूर्वं डॉ. विवेककरोलः काङ्गडाजनपदस्य मुख्यचिकित्साधिकारिणः पदस्य कार्यभारं निर्वहन् आसीत्।