Enter your Email Address to subscribe to our newsletters
महानपुरम्, ११ अगस्तमासः (हि.स.)। ‘हर घर तिरंगा’ तथा ‘वन्दे मातरम्’ अभियानस्य अन्तर्गतं राजकीय-महाविद्यालये महानपुरे वृक्षारोपणा-भियानस्य ‘वन्दे मातरम्’ इत्यस्य सामूहिकगानस्य च आयोजनं कृतम्। कार्यक्रमस्य उद्देश्यं छात्रेषु देशभक्तेः, पर्यावरणसंरक्षणस्य सामाजिक-दायित्वस्य च भावनायाः संवर्धनम् आसीत्।
प्राचार्यायाः प्रो. (डॉ.) सङ्गीता-सूदन इत्यस्या: मार्गदर्शने आयोजिते कार्यक्रमे छात्रैः, शिक्षकैः कर्मचारिभिश्च उत्साहपूर्वकं भागः गृहीतः। महाविद्यालयपरिसरे विभिन्नेषु स्थानेषु पादपाः रोपिताः तथा पर्यावरणसंरक्षणस्य सन्देशः प्रदत्तः। ततः देशभक्तिभावनया ‘वन्दे मातरम्’ इत्यस्य सामूहिकगानं कृतम्।
कार्यक्रमस्य आयोजके प्रो. बिन्ती-शर्मा तथा डॉ. सपना-देवी इत्येताभ्यां सह डॉ. हिलाल-अहमदः, मङ्गल-रामः, किशोरी-लालः, रोमेश-लालः, सुरिन्दर-कुमारः, कुलदीपः तथा अनु-राधा च उपस्थिताः आसन्। प्राचार्यया सर्वेषां प्रतिभागिनां प्रयासानां प्रशंसा कृता तथा देशभक्त्या, एकतया पर्यावरणसंरक्षणेन च सम्बद्धेषु कार्यक्रमेषु सक्रियभागग्रहणस्य आह्वानं कृतम्।
हिन्दुस्थान समाचार / Divya Ranjan