नवदिल्ली, १२ अगस्तमासः (हि.स.)। केन्द्रीयगृहमन्त्री सहकारितामन्त्री च अमितशाहः बुधवासरे लोकसभाध्यक्षं ओमविरलां प्रति पत्रं लिखित्वा अवदत् यत् सर्वकारः संसदः मध्ये नीट्-परीक्षां प्रति छात्रान्दोलनस्य विषये चर्चां कर्तुं सिद्धः अस्ति। सः विपक्षं चर्चां कृत्वा अस्मिन् विषये पर्याप्तसमयस्य निर्धारणाय अनुरोधं कृतवान्।

अमितशाहः पत्रे अवदत् यत् संसदीयकार्येषु मन्त्री किरेनरिजिजुः कार्यपरामर्शसमित्याः सभायां सर्वकारस्य पक्षतः संसदः मध्ये नीट्-परीक्षां प्रति छात्रान्दोलनस्य विषये चर्चां कर्तुं स्वीकृतिं दत्तवान्।

सः अवदत् यत् विपक्षस्य आग्रहानुसारं वर्तमानसंसदीयसत्रे एव लोकपरीक्षा-अनुचितसाधननिवारण-संशोधन-विधेयकम्, २०२६ इत्यस्मिन् विषये चर्चा पूर्वमेव कृता अस्ति। तस्यां चर्चायां विपक्षस्य कस्यापि सांसदेन नीट्-परीक्षासम्बन्धे सदने स्वविचारः न प्रकटितः। तथापि सर्वकारः अस्मिन् विषये पुनरपि चर्चां कर्तुं सिद्धः अस्ति।

गृहमन्त्रिणा लोकसभाध्यक्षः अनुरोधितः यत् विपक्षेण सह चर्चां कृत्वा परस्परसहमत्या अद्यतः अस्मिन् विषये यावत् समयं यावत्यः होराः वा उचिताः मन्यन्ते, तावत् समयः चर्चायै निर्धारितं क्रियताम्। सः अवदत् यत् निर्धारितसमये सः सदने उपस्थितः भूत्वा अस्य विषयस्य चर्चायां भागं ग्रहीतुं तथा विपक्षस्य सर्वेषां प्रश्नानाम् उत्तराणि दातुं सिद्धः अस्ति।

शाहः अवदत् यत् लोकतन्त्रे चर्चया संवादेन च समाधानं प्राप्यते। सः अवदत् यत् तस्य लोकतन्त्रे लोकतान्त्रिकसंस्थासु च अटूटः विश्वासः अस्ति तथा तस्य मतम् अस्ति यत् सदनं चर्चायै संवादाय च एव अस्ति।

सः लोकसभाध्यक्षं विपक्षनेतृभिः सह चर्चां कृत्वा अस्मिन् महत्त्वपूर्णे विषये सदने सौहार्दपूर्णं वातावरणं निर्मातुं अनुरोधं कृतवान्, येन पक्षस्य विपक्षस्य च सर्वे सदस्याः अस्मिन् विषये स्वविचारान् प्रस्तोतुं शक्नुयुः।

Hindusthan Samachar / Divya Ranjan