Enter your Email Address to subscribe to our newsletters
जयपुरम्, १२ अगस्तमासः (हि.स.)। प्रदेशस्य ग्रामीणक्षेत्रेषु मार्गसम्पर्कं सुदृढं कर्तुं राज्यसर्वकारेण महत्त्वपूर्णं पदक्षेपं स्वीकृतम्। सर्वकारेण पञ्चसहस्राधिक-जनसङ्ख्यायुक्तेषु अवशिष्टेषु १९२ ग्रामेषु ‘अटलप्रगतिपथानां’ निर्माणाय ३८१.९१ कोटिरूप्यकाणां वित्तीयस्वीकृतिः प्रदत्ता। अस्य अन्तर्गतं २८ जनपदानां एतेषु ग्रामेषु जनावासक्षेत्रेषु च प्रायः २८६ किलोमीटर-दीर्घाणां मार्गाणां निर्माणं सुदृढीकरणं च करिष्यते।
नूतनमार्गाणां निर्माणेन ग्रामेभ्यः जनावासेभ्यश्च मुख्यमार्गान्, विपणीन्, विद्यालयान्, चिकित्सालयान् अन्याः आवश्यकसेवाश्च प्रति गमनम् सुकरं भविष्यति। मुख्यमन्त्री भजनलालशर्मा अवदत् यत् राज्यसर्वकारस्य लक्ष्यं राजस्थानस्य प्रत्येकं ग्रामं जनावासक्षेत्रं च उत्तममार्गजालेन संयोजयितुम् अस्ति। सः अवदत् यत् मार्गः केवलम् आवागमनस्य साधनं न, अपितु शिक्षा-स्वास्थ्य-रोजगार-व्यापाराणां ग्रामीणार्थव्यवस्थायाश्च गतिं वर्धयितुम् महत्त्वपूर्णा आधारभूतसुविधा अस्ति।
अटलप्रगतिपथानां निर्माणेन ग्रामीणक्षेत्रेषु आवागमनस्य समयः परिवहनव्ययश्च न्यूनौ भविष्यतः तथा स्थानीयाः आर्थिकक्रियाकलापाः अपि प्रोत्साहनं प्राप्स्यन्ति। सर्वकारानुसारं सुदृढमार्गजालस्य प्रत्यक्षलाभः कृषकेभ्यः विद्यार्थिभ्यः श्रमिकेभ्यः व्यापारिभ्यः सामान्यजनेभ्यश्च भविष्यति। ग्रामेभ्यः मुख्यमार्गपर्यन्तं उत्तमसम्पर्कस्य प्राप्य कृष्युत्पादानां विपणिं प्रति प्रेषणे, विद्यार्थिनां विद्यालय-महाविद्यालयगमने, रोगिणां चिकित्सासंस्थानेषु गमने च सुविधा भविष्यति।
स्वीकृतकार्येषु अजमेरजनपदस्य टांटोटी, घूघरा, गनाहेड़ा, गगवाना, बिड़क्चियावास तथा देराठू इत्येते ग्रामाः सम्मिलिताः सन्ति। एतेषु ग्रामेषु अटलप्रगतिपथानां निर्माणेन ग्रामीणजनसङ्ख्यायाः मुख्यमार्गैः सह उत्तमः सम्पर्कः भविष्यति। तथैव अलवरस्य गारू, हरसाना, गढ़ीसवाईराम, बालेटा, पृथ्वीपुरा तथा तुलेड़ा; बालोतरायाः ईटवाया, कनाना, पारलू तथा कल्याणपुरम्; बांसवाड़ायाः अरथूना तथा खोड़न; बारांस्य देवरी, कस्बाथाला तथा पलायथा; बाड़मेरस्य बुरान का तला; भरतपुरस्य सरसैना, छौंकरवाड़ा कलां तथा ब्रह्मवाद; भीलवाड़ायाः सहाड़ा तथा पारोली तथा चित्तौड़गढ़स्य भोपालसागर इत्येतेष्वपि मार्गनिर्माण-सुदृढीकरणकार्याणि भविष्यन्ति।
चूरूजनपदस्य जोगलिया, ईंयारा, शोभासर, जोगलसर, लालगढ़, कानूता तथा बांय; दौसाजनपदस्य उदयपुरिया, आलूदा तथा टोरड़ा; डीगजनपदस्य सांवलसेर, गुनसारा, रारह तथा अवार; डीडवाना-कुचामनस्य भकरी, कोलिया तथा घाटवा तथा डूंगरपुरस्य पाडवा तथा ओबरी अपि योजनायां सम्मिलिताः सन्ति। हनुमानगढ़स्य १४ ग्रामेष्वपि अटलप्रगतिपथाः निर्मीयन्ते। जयपुरजनपदे भैसावा, हाथोज, हिंगोनिया, पचार, बेगस, राड़ावास, अमरसर, धानौता, बिशनगढ़, बिचून, जैतपुरा, चीथवाड़ी, अनन्तपुरा, सिंगोद कलां तथा किशनमानपुरा इत्येतेषु ग्रामेषु मार्गनिर्माणं प्रस्तावितम् अस्ति। तथैव जालोरजनपदे धानसा, जुंजाणी, पुनासा, दासपा, सेवड़ी, मोदरा, नरसाणा, तवाव, नांदिया, धानोल, दातवाड़ा, पावली, जसवन्तपुरा, चौरा, रेवतड़ा, पांथेडी, ऐलाना, तिलोड़ा, दादाल, बाकरा, सांगाणा, केशवणा, कोमता, चौराऊ, बालवाड़ा, भैसवाड़ा, रायथल तथा गुड़ाबालोतान इत्यादिषु अनेकग्रामेषु अटलप्रगतिपथाः निर्मीयन्ते।
झुंझुनूंजनपदस्य २२ ग्रामेषु तथा जोधपुरजनपदस्य हरियाढ़ाणा, पिचियाक, रियां, भटिंडा, पलासनी, बिसलपुर, गंगाणी, सोयला, नाड़सर, गजसिंहपुरा, रतकुड़िया, धुंधाड़ा, गुड़ा विश्नोइयान, फिंच, नन्दवान, झंवर, बोरानाडा तथा डोली इत्येतेषु अपि मार्गकार्याणि भविष्यन्ति। करौलीजनपदस्य झारेड़ा, गढ़मोरा, जहानगर मोरड़ा, नादौती, नांगल शेरपुर, शहर, कैमला तथा सोप; खैरथल-तिजाराजनपदस्य बाघोर; कोटपूतली-बहरोड़स्य हाथीपुरा, चतरपुरा, बनेठी, सरूंड, भौनावास, भैंसलाना तथा कारोली तथा पालीजनपदस्य नारलाई, बिसलपुर, धानला, अटबड़ा, बांकली, दुजाना, खैरवा तथा गुंदोज इत्येतेषु अपि मार्गाः निर्मीयन्ते।
फलोदीजनपदस्य रायमलावाड़ा तथा जाखण, राजसमन्दस्य कुरज तथा गिलूंड, सवाईमाधोपुरस्य सूरवाल, खिलचीपुर तथा कुंडेरा, सीकरस्य थोई, रेवासा, बाय, मण्डा, कोछोर, गुहाला, जिलो, चला, गांवड़ी, गणेश्वर, रायपुर पाटन तथा बठोठ तथा टोंकस्य नगर, थांवला, नगरफोर्ट, सोप तथा आवां इत्येतेषु अपि अटलप्रगतिपथानां निर्माणं भविष्यति।
सर्वकारस्य दावानुसारं एतेषां कार्याणां पूर्णतया सम्पन्नतायां सम्बन्धितेषु ग्रामेषु मार्गसुविधा सुदृढा भविष्यति तथा ग्रामीणक्षेत्राणां समीपस्थैः कस्बैः, नगरैः प्रमुखमार्गैश्च सुगमः सम्पर्कः भविष्यति। अनेन ग्रामीणविकासाय गतिः प्राप्स्यते तथा स्थानीयजनानां कृते शिक्षा-स्वास्थ्य-रोजगार-व्यापारसम्बद्धावसराणां प्राप्तिरपि सुकरा भविष्यति।
Hindusthan Samachar / Divya Ranjan