Enter your Email Address to subscribe to our newsletters
-भाजपानगरइकाईद्वारा निर्गता भव्या तिरंगा यात्रा, देशभक्तेः वर्णे रंजितम्।
देवरिया, 12 अगस्तमासः (हि.स.)।
भारतीयजनतापक्षस्य नगरैककस्य पक्षतः बुधवासरे नगराध्यक्षस्य रमेशवर्मणः नेतृत्वे भव्यतिरङ्गयात्रा आयोजिता। हस्तेषु राष्ट्रध्वजं धृत्वा बहुसंख्यकाः कार्यकर्तारः नगरवासिनश्च यात्रायां सम्मिलिताः। “भारत माता की जय” “वन्दे मातरम्” इत्यादिभिः घोषैः सम्पूर्णं नगरं प्रतिध्वनितम् अभवत्। यात्रायाः समये मार्गे मार्गे जनैः पुष्पवृष्टिं कृत्वा यात्रायाः स्वागतं कृतम्।
तिरङ्गयात्रायाः शुभारम्भः गायत्रीशक्तिपीठात् अभवत्। ततः यात्रा कसया मार्गेण, उपरिसेतुना, मालवीयमार्गेण सुभाषचौकं च अतिक्रम्य शहीद रामचन्द्र विद्यार्थी इत्यस्य स्मारकस्थलं प्राप्तवती, यत्र यात्रायाः समापनम् अभवत्। मुख्यातिथिः सदरविधायकः डाॅ. शलभमणि त्रिपाठी तथा विशिष्टातिथिः नगरपालिकाध्यक्षः अलकासिंहः अपि यात्रायां सहभागितां कृतवन्तौ।
समापनस्थले भाजपानेतृभिः कार्यकर्तृभिश्च शहीद रामचन्द्र विद्यार्थी इत्यस्मै श्रद्धाञ्जलिः अर्पिता। स्वतन्त्रतासङ्ग्रामस्य वीरसेनानीनां बलिदानं स्मृत्वा राष्ट्रस्य एकतां अखण्डतां च संरक्षितुं संकल्पः कृतः।
सदरविधायकः डाॅ. शलभमणि त्रिपाठी अवदत् यत् तिरङ्गः देशस्य मानमर्यादायाः गौरवस्य च प्रतीकम् अस्ति। सः स्वतन्त्रतासङ्ग्रामस्य, वीरशहीदानां त्यागस्य तथा कोटिशः भारतीयानां राष्ट्रियभावनायाः प्रतीकम् अस्ति। तिरङ्गयात्रायाः माध्यमेन नूतनसन्ततिं देशस्य गौरवशालिनः इतिहासस्य स्वतन्त्रतासेनानीनां च बलिदानेन सह संयोजयितुं प्रयासः क्रियते।
नगराध्यक्षः रमेशवर्मा अवदत् यत् यात्रायाः उद्देश्यं प्रत्येकस्मिन् नागरिके राष्ट्रप्रेमभावनायाः सुदृढीकरणं तथा स्वतन्त्रतासेनानीनां त्यागस्य स्मरणं च अस्ति। सः यात्रां सफलां कर्तुं सहयोगं कृतवद्भ्यः पदाधिकारिभ्यः, कार्यकर्तृभ्यः नगरवासिभ्यश्च कृतज्ञतां प्रकटितवान्।
यात्रायां निवर्तमानजिलाध्यक्षः भूपेन्द्रसिंहः, मार्कण्डेयशाही, पूर्वविधायकः डाॅ. सत्यप्रकाशमणित्रिपाठी, राजेशमिश्रः, श्रीनिवासमणिः, अजयशाही, अभयनाथत्रिपाठी, हरेंद्रजयसवालः, नीरजशाही, डाॅ. अभयमणित्रिपाठी, रविपालः, सन्दीपशाही, सुधीरमधेशिया इत्यादयः बहुसंख्यकाः कार्यकर्तारः उपस्थिताः आसन्।
------------------
Hindusthan Samachar / Dheeraj Maithani