लखनऊ, 12 अगस्तमासः (हि.स.)।

भारतीयजनतापक्षस्य प्रदेशप्रवक्ता राकेश त्रिपाठी बुधवासरे अवदत् यत् यदा यदा कस्यचित् माफियायाः अपराधिनो वा उपरि कश्चित् आघातः भवति, तस्य भवनस्य उपरि बुलडोजरः प्रचलति अथवा पुलिसद्वारा कृतस्य मुठभेडस्य मध्ये सः हतः भवति, तदा समाजवादीपक्षस्य नेतृभ्यः न जाने किमर्थं पीडा भवति। समाजवादीपक्षः स्वस्य शासनकाले एतान् गुण्डान् माफियाश्च पालयित्वा पोषयित्वा वर्धितवान् आसीत्। अतः तेषां धराशायीभवनं दृष्ट्वा समाजवादीपक्षस्य नेतॄणां महती पीडा भवति।

बुधवासरे सामाजिकमाध्यमस्य एक्स इत्यत्र प्रकाशिते सन्देशे राकेश त्रिपाठी अवदत् यत् अतीक अहमदस्य पुत्रस्य मार्गदुर्घटनायां मृत्युः अभवत्। तस्य विषये अपि समाजवादीपक्षस्य नेता रामगोपालः प्रश्नम् उत्थापितवान्। समाजवादीपक्षः कथयति यत् अपराधिषु अत्यन्तनिर्दयतया कार्यवाही क्रियमाणा अस्ति। तर्हि किं अपराधिभ्यः उदारता प्रदर्शनीया? किं अपराधिनः सर्वकारीयवायुयाने उपवेश्य तैः सह प्रातराशः करणीयः, यथा अखिलेश यादवः कुर्वन्ति स्म?

एषा योगी आदित्यनाथस्य सरकारः अस्ति। अत्र विधेः शासनं पूर्णनिर्दयतया प्रवर्तिष्यते। अपराधिभ्यः किमपि संरक्षणं न प्रदास्यते तथा विधिविरुद्धकृत्येषु संलग्नानां जनानां विरुद्धं कठोरतया कार्यवाही निरन्तरं भविष्यति।

------

Hindusthan Samachar / Dheeraj Maithani