कोलकाता, 12 अगस्तमासः (हि. स.)।

मुख्यमन्त्री शुभेन्दुअधिकारी बुधवासरे आद्यापीठे अवदत् यत् आर.जी. कर चिकित्सामहाविद्यालये चिकित्सालये च घटितानां दुष्कर्महत्यादीनां घटनानां समाजं रक्षितुं धार्मिकस्य आध्यात्मिकस्य च जागरणस्य आवश्यकता अस्ति। सः अवदत् यत् जनानां मध्ये पापबोधस्य शुभाशुभविवेकस्य च जागरणाय गीतायाः अध्ययनं कारयितव्यम्।

मुख्यमन्त्री अवदत् यत् विवेकिनः उत्तरदायिनश्च मनुष्यस्य निर्माणाय धार्मिकचेतना आध्यात्मिकचेतना च आवश्यकी अस्ति। अनया व्यक्तौ पापस्य बोधः जायते तथा सः अनुचितकार्येभ्यः दूरं स्थातुं प्रयत्नं करोति। सः अवदत् यत् आर.जी. करसदृशीं घटनां निवारयितुं जनान् गीतां पाठयितव्या तथा तेषाम् आध्यात्मिकं जागरणं करणीयम्।

तेन भगवद्वर्णस्य महत्त्वेऽपि प्रकाशः प्रकाशितः। सः अवदत् यत् भगवद्वर्णः केवलं धर्मस्य राजनीतेर्वा वर्णः नास्ति। सः शौर्यस्य, त्यागस्य, कर्तव्यस्य, तपस्यायाः, संयमस्य च प्रतीकः अस्ति। समाजे एतेषां मूल्यानां स्थापनस्य आवश्यकता अस्ति।

मुख्यमन्त्री अवदत् यत् पश्चिमबङ्गः केवलं संस्कृतेः राजधानी न, अपितु आध्यात्मिकतायाः अपि राजधानी अस्ति। अनेके महान् सन्तः मनीषिणश्च अस्यां भूमौ जन्म गृहीत्वा आध्यात्मिकजागरणस्य सन्देशं प्रदत्तवन्तः।

सः अवदत् यत् केवलं ललाटे चन्दनं धारयित्वा कार्यं न सम्पन्नं भविष्यति। धार्मिकानाम् आध्यात्मिकानां च संस्थानां सुदृढीकरणाय तेषां विकासाय च प्रयत्नः करणीयः।

मुख्यमन्त्रिणा आद्यापीठस्य विकासे सहयोगस्य आश्वासनमपि प्रदत्तम्। सः अवदत् यत् आद्यापीठस्य महाराजेन तस्मै कथितं यत् अत्रत्याः शिक्षणसंस्थाः आर्थिककठिनतां सम्मुखीकुर्वन्ति। संस्थानानां कृते यत् सम्भवं भविष्यति तत् सर्वं करिष्यते इति तेन उक्तम्। साथमेव तेन उक्तं यत् न्यूनं वक्तव्यं अधिकं कार्यं च कर्तव्यम्।

---------------

Hindusthan Samachar / Dheeraj Maithani