Enter your Email Address to subscribe to our newsletters
मीरजापुरम्, 12 अगस्तमासः (हि.स.)।
हुतात्मनां प्रतिमासु पुष्पाणि समर्पितानि, परिसरस्य स्वच्छतायै मार्जनी च प्रचलिता, “भारतमाता की जय” “वन्दे मातरम्” इति घोषैश्च वातावरणं मुखरितमभवत्। बुधवासरे भारतीयजनतापक्षस्य नगरमण्डलपश्चिमी इत्यस्य कार्यकर्तृभिः “हर घर तिरंगा” अभियानस्य अन्तर्गतं नारघाटस्थिते शहीद-उद्याने देशभक्तिभावनया ओतप्रोतं वातावरणं दृश्यते स्म। कार्यकर्तारः सामान्यजनैः सह शहीद-उद्यानस्य स्वच्छतां कृत्वा अमरहुतात्मनां प्रतिमासु माल्यार्पणं पुष्पार्चनं च कृतवन्तः। ततः त्रिमुहानीवार्डमध्ये तिरङ्गायात्रा आयोजिता।
मुख्यातिथिः पूर्वभाजपाजिलाध्यक्षः मनोज जायसवालः अवदत् यत् शहीद-उद्याने वीरसुपुत्राणां प्रतिमासु माल्यार्पणं पुष्पार्चनं च कर्तुं सौभाग्यस्य विषयः अस्ति। अमरशहीदानां स्वप्नानां भारतस्य निर्माणस्य दिशि देशः अग्रे प्रवर्तमानः अस्ति।
यात्रायाः नेतृत्वं कुर्वन् नगराध्यक्षः पश्चिमी नितिन विश्वकर्मा अवदत् यत् देशः यदि स्वतन्त्रः अस्ति तर्हि तस्य पृष्ठे तेषाम् अमरशहीदानां बलिदानम् अस्ति, ये स्वातन्त्र्यार्थं प्राणत्यागपर्यन्तं कर्तुं गलबंधपाशमपि स्वीकृतवन्तः। तेषां स्वप्नानां भारतस्य निर्माणाय प्रत्येकं नागरिकं स्वकर्तव्यानां निष्ठया पालनं कर्तव्यम्।
तिरङ्गा-अभियानस्य संयोजकः सचिन जायसवालः जनान् आह्वयत् यत् अगस्तमासस्य पञ्चदशे दिने स्वस्वगृहेषु राष्ट्रध्वजं ध्वजं च प्रस्थाप्य अमरहुतात्मभ्यो नमनं कुर्वन्तु।
तिरङ्गायात्रायां जिलाउपाध्यक्षः गौरव ऊमरः, जिलामन्त्री पूनम चौरसिया, पूर्वनगरपालिकाध्यक्षः राजकुमारी खत्री, कुलवन्तसिंहः, आनन्दमैनी, मनोजमैनी, पूर्वजिलाकोषाध्यक्षः संजय यादवः, मण्डलमहामन्त्री कृष्णकुमारसिंहः, मण्डलोपाध्यक्षः दीपा ऊमरः इत्यादयः बहुसंख्याकाः कार्यकर्तारः सम्मिलिताः।
---------------
Hindusthan Samachar / Dheeraj Maithani