हरिद्वारम्, १२ अगस्तमासः (हि.स.)। स्वातन्त्र्यदिवसस्य उपलक्ष्ये हरिद्वारे राष्ट्रभक्त्या देशप्रेम्णा च ओतप्रोतां भव्यां त्रिरङ्गयात्रां निष्कासितवती। मन्त्रि-मण्डलमन्त्री तथा क्षेत्रीयविधायकः मदनकौशिकः यात्रायाः नेतृत्वम् अकरोत्। यात्रायां भारतीयजनतापक्षस्य पदाधिका-रिभिः, जनप्रतिनिधिभिः, युवभिः, एनसीसी-छात्रैः बहुसङ्ख्यकैः स्थानीयनागरिकैश्च उत्साहपूर्वकं सहभागिता कृता।

आर्यनगरचौकात् प्रारब्धा त्रिरङ्गयात्रा चन्द्राचार्यचौक इत्यत्र समापिता। यात्रायाः मुख्याकर्षणम् आसीत् १८०-पाददीर्घः त्रिरङ्गध्वजः। एनसीसी-छात्राः ‘भारत-माताकी जय’ इति घोषं कुर्वन्तः ध्वजं नीत्वा यात्रायाः शुभारम्भम् अकुर्वन्। सम्पूर्णमार्गे ‘भारतमाताकी जय’ तथा ‘वन्दे मातरम्’ इति घोषैः वातावरणं राष्ट्रभक्ति-भावनया परिपूर्णम् अभवत्।

मन्त्रिमण्डलमन्त्री मदनकौशिकः अवदत् यत् त्रिरङ्गध्वजः केवलं राष्ट्रध्वजः न, अपितु देशस्य गौरवस्य, स्वाभिमानस्य, एकतायाः वीरतायाश्च प्रतीकम् अस्ति। देशस्य स्वातन्त्र्यार्थम् असङ्ख्याकाः वीराः स्वसर्वस्वं समर्पितवन्तः। अधुना प्रत्येकं नागरिकस्य दायित्वम् अस्ति यत् सः तेषां स्वप्नानां भारतस्य निर्माणे स्वयोगदानं दद्यात्।

सः अवदत् यत् प्रधानमन्त्रिणः नरेन्द्र-मोदिनः नेतृत्वे देशः आत्मनिर्भरता-विकास-राष्ट्रगौरवस्य दिशि निरन्तरम् अग्रे गच्छति। त्रिरङ्गयात्रायाः उद्देश्यं प्रत्येकं नागरिकस्य मनसि राष्ट्रप्रेमभावनां सुदृढां कर्तुं तथा ‘एकं भारतं श्रेष्ठं भारतम्’ इति सङ्कल्पं सशक्तं कर्तुम् अस्ति।

हरिद्वारनगरनिगमस्य महापौरः किरण-जैसलः प्रदेशवासिभ्यः स्वातन्त्र्य-दिवसस्य शुभकामनाः प्रदाय अवदत् यत् त्रिरङ्गध्वजः देशस्य गौरवम् अस्ति। सहस्रशः क्रान्तिकारिभिः त्रिरङ्गध्वजं स्ववक्षसि धारयित्वा देशस्य स्वातन्त्र्यार्थं हसन्तः एव प्राणानां बलिदानं कृतम्। सा अवदत् यत् त्रिरङ्गायात्रा प्रत्येकं भारतीयस्य कृते गौरवस्य अवसरः अस्ति। अस्यां युवानां उत्साहपूर्णा सहभागिता अस्य प्रतीकम् अस्ति यत् देशस्य अमरबलिदानिनः अद्यापि प्रत्येकं भारतीयस्य हृदये जीवन्तः सन्ति।

यात्रायां सम्मिलिताः जनाः राष्ट्रस्य एकतायाः, अखण्डतायाः सार्वभौमत्वस्य च रक्षणस्य सङ्कल्पं गृहीत्वा स्वातन्त्र्य-सङ्ग्रामस्य अमरबलिदानिभ्यः श्रद्धापूर्वकं नमनम् अर्पितवन्तः।

अस्मिन् अवसरे पूर्वजनपदाध्यक्षः सन्दीपगोयलः, प्रदेशसहमीडियाप्रभारी विकासतिवारी, जनपदमहामन्त्री हीरा-सिंहबिष्टः, युवामोर्चाजनपदाध्यक्षः अभिनवचौहानः, कार्यक्रमसंयोजकः लवशर्मा, दीपांशुविद्यार्थी, राजकुमारअरोडा, अन्नूकक्कडः, सुभाषचन्द्रः, सांसद-प्रतिनिधिः अनिलपुरी, तरुणनय्यरः, अनिमेषशर्मा, तुषाङ्कभट्टः, किशनबजाजः, आशुचौधरी, विकासप्रधानः, महिलामोर्चा-जनपदाध्यक्षा प्रीतिगुप्ता, देवेशममगाईं, पारुलचौहानः, करणवर्मा, निकुञ्जशर्मा, अङ्कितरघुवंशी, नवीनतेश्वरः, सत्य-नारायणशर्मा, मोनिका-सैनी, निशानोडि-यालः, राकेशनोडियालः, भोला-शर्मा, सुमितलखेड़ा, अर्शुनय्यरः, कपिल-बालियानः, सूरजभारद्वाजः, मुकुल-भारद्वाजः, लवीचौहानः, उमेशपाठकः, रेशुचौहानः, हरजीतसिंहः इत्यादयः बहुसङ्ख्यकाः कार्यकर्तारः स्थानीय-नागरिकााश्च उपस्थिताः आसन्।

Hindusthan Samachar / Divya Ranjan