नवदिल्ली, १३ अगस्तमासः (हि.स.)। भारतीयजनतापक्षस्य सूचनाप्रौद्योगिकी-प्रकोष्ठस्य प्रमुखः अमित-मालवीयः गुरुवासरे अवदत् यत् प्रधानमन्त्रीं नरेन्द्रमोदीं प्रति अभद्रशब्दानां प्रयोगः काङ्ग्रेसः दलस्य इतिहासस्य अङ्गम् अस्ति तथा तस्य मूल्यं दलं दत्तवदस्ति।

मालवीयः काङ्ग्रेस्-नेतृभ्यः ‘अहङ्कारस्य’ तथा ‘विशेषाधिकार-मानसिकतायाः’ आरोपं कृत्वा अवदत् यत् साधारण-परिवारात् उत्थाय प्रधानमन्त्रीपदं प्राप्तस्य नरेन्द्रमोदिनः विरुद्धम् अपमान-जनकभाषायाः प्रयोगं कुर्वतः एतादृशान् नेतॄन् देशः न स्वीकरिष्यति। मालवीयः स्वस्य सन्देशस्य अन्ते अवदत्— “दुर्वचनानि अपमानश्च भारतस्य संस्काराः न सन्ति।” अनेन कथनेन सः राजनैतिकविरोधे भाषायाः मर्यादां संरक्षितुं आवश्यकतायाः विषये बलं दत्तवान्।

अमित-मालवीयः सामाजिकसञ्चारमञ्चे ‘एक्स’ इत्यत्र काङ्ग्रेसस्य विरोधप्रदर्शनं लक्ष्यीकृत्य अवदत् यत् प्रधानमन्त्रीं प्रति ‘वानरः’ इत्यादीनां शब्दानां प्रयोगः काङ्ग्रेसस्य राजनैतिकभाषां चिन्तनं च प्रदर्शयति। अमित-मालवीयः स्वसन्देशे प्रश्नम् अकरोत् यत् एतादृशेन कथनेन कश्चित् वस्तुतः आश्चर्यचकितः भवेत् किम्।

सः अवदत् यत् प्रधानमन्त्रीं प्रति एतादृश-भाषायाः प्रयोगः काङ्ग्रेसेन प्रथमवारं न क्रियते, न च अन्तिमवारं भविष्यति। मालवीयः काङ्ग्रेसेन पूर्वं कृतस्य ‘चायवाला’ इति व्यङ्ग्यस्य अपि उल्लेखं कृतवान्। तेन उक्तं यत् काङ्ग्रेसेन प्रधानमन्त्री नरेन्द्रमोदिनः साधारण-पृष्ठभूमिं प्रति यथा उपहासः कृतः, तस्य राजनैतिकं मूल्यं दलाय दातव्यं जातम् तथा सा निरन्तरं त्रिषु कार्यकालेषु केन्द्रसत्तायाः बहिः अस्ति। सः अवदत् यत् प्रधानमन्त्रीं प्रति कथितानां शताधिकानाम् अपमानजनक-टिप्पणीनाम् अनन्तरं ‘वानरः’ इति व्यङ्ग्यं काङ्ग्रेसं प्रति जनानां धारणां अधिकं सुदृढं करिष्यति।

Hindusthan Samachar / Divya Ranjan