नवदिल्ली, १३ अगस्तमासः (हि.स.)। भारतीयजनतापक्षस्य सांसदः सुधांशुत्रिवेदी पंजाब-हरियाणोच्चन्यायालयस्य निर्णयस्य उल्लेखं कुर्वन् आम-आदमी-पक्षम् अरविन्दकेजरीवालं च प्रति तीक्ष्णं प्रहारं कृतवान्। सः अवदत् यत् न्यायालयस्य निर्णयानन्तरं बहवः गम्भीराः प्रश्नाः उत्पन्नाः सन्ति।

त्रिवेदी अवदत् यत् झारखण्डस्य पंजाबस्य च विषयेषु मौनं धारयन् अरविन्द-केजरीवालः अधुना वदतु यत् यदा न्यायालये तस्य सर्वकारस्य असत्यं प्रकाशमागतं, तर्हि किं सः स्वसर्वकारात् त्यागपत्रं दापयिष्यति?

सः विपक्षस्य संसदः कार्यवाहीं बाधितुं आरोपमपि कृतवान्। भाजपासांसदः अवदत्— “पञ्जाबविधानसभायां असत्यम्, संसदि कोलाहलः, न्यायालयेन उत्थापिताः प्रश्नाः च एतत् स्पष्टं दर्शयन्ति यत् छात्रहितस्य चर्चां कुर्वतां जनानां कथिता नैतिकता पूर्णतया समाप्ता अभवत्।”

गुरुवासरे माध्यमप्रतिनिधिभिः सह वार्तालापे भाजपासांसदः सुधांशुः आम-आदमी-पक्षस्य संयोजकं अरविन्द-केजरीवालं प्रति लक्ष्यं कृत्वा अवदत् यत् सः झारखण्ड-पञ्जाबसम्बद्धेषु विषयेषु मौनं धृतवान्, यद्यपि कांग्रेसनेता राहुलगान्धी अपि एतेषु विषयेषु कथितरूपेण ध्यानं न दत्तवान्। त्रिवेदिना संसदि अभूतस्य कोलाहलस्य न्याय-पालिकया उत्थापितानां प्रश्नानां च उल्लेखं कुर्वता विपक्षस्य संवैधानिक-मर्यादायाः नैतिकतायाश्च विषये द्वैधमानदण्डान् स्वीकुर्वन् इति आरोपः कृतः।

भाजपानेता अवदत् यत् राहुलगान्धी छात्राणां यूनां च हितानां महान् समर्थकः इति स्वं प्रतिपादयति, परन्तु तस्य राजनैतिक-संवैधानिकनैतिकता अधुना प्रश्नानां परिधौ अस्ति। सः मौनं धृत्वा उपविष्टः अस्ति। छात्रहितैः तस्य कश्चन सम्बन्धः नास्ति।

Hindusthan Samachar / Divya Ranjan