कोलकाता, 13 अगस्तमासः (हि. स.)।

जनगणना २०२७ इत्यस्य स्वगणनाचरणे जनानां सहभागितायै पश्चिमबङ्गराज्यस्य पञ्चायतग्रामीणविकासमन्त्री दिलीपघोषः जनान् आह्वयत्। गुरुवासरे प्रातः सार्धसप्तवादने सामाजिकमाध्यमेन प्रसारिते सन्देशे घोषेण उक्तं यत् अगस्तमासस्य प्रथमदिनाङ्कतः पञ्चदशदिनाङ्कपर्यन्तं जनाः स्मार्टफोनस्य माध्यमेन निर्धारिते जालस्थले प्रविश्य स्वनाम आवश्यकाः सूचनाः च स्वयमेव पञ्जीकर्तुं शक्नुवन्ति।

दिलीपघोषेण उक्तं यत् स्वगणनायै se.census.gov.in इति जालस्थलस्य उपयोगः कर्तुं शक्यते। अस्य माध्यमेन नागरिकाः स्वसम्बद्धाः आवश्यकाः सूचनाः स्वयमेव समर्पयितुं शक्नुवन्ति। ततः अगस्तमासस्य षोडशदिनाङ्कतः सितम्बरमासस्य चतुर्दशदिनाङ्कपर्यन्तं जनगणनाकर्मचारिणः गृहे गृहे गत्वा जनगणनायाः शेषप्रक्रियां पूर्णां करिष्यन्ति।

घोषेण स्वसन्देशे उक्तं यत् जनगणनायाः समये जनैः प्रदत्ता सूचना पूर्णतया गोपनीया स्थापयिष्यते। सः सामान्यजनान् जनगणनायां सक्रियतया सहभागितुं आग्रहं कृतवान्।

सः उक्तवान् यत् जनगणनायां जनानां सहभागिता देशस्य भविष्यस्य विकासयोजनानां तथा सर्वकारीययोजनानां उत्तमरीत्या निर्माणे तासां च अधिकप्रभाविणा कार्यान्वयने सहायकाभविष्यति। यथार्थानाम् आधारदत्तांशानाम् आधारेण विकासस्य प्राथमिकताः निर्धारितुं अपि सहायता भविष्यति।

दिलीपघोषः जनान् जनगणनायां सहभागितां कृत्वा देशस्य विकासे सहयोगं कर्तुम् आह्वानं कृतवान्। सः उक्तवान् यत् सर्वेषां सहयोगेन ‘नवभारतं’ ‘नवबङ्गालं’ च निर्मातुं दिशि अग्रे गन्तुं शक्यते।

---------------

Hindusthan Samachar / Dheeraj Maithani