Enter your Email Address to subscribe to our newsletters
सारणम्, 13 अगस्तमासः (हि.स.)।
आगामिस्वातन्त्र्यदिवससमारोहं भव्यं सुव्यवस्थितं च कर्तुम् उद्दिश्य मुख्यसमारोहस्थले राजेन्द्रक्रीडाङ्गणे पूर्णवेषाभ्यासस्य आयोजनं कृतम्। जिलाधिकारी वैभवश्रीवास्तवः वरिष्ठपुलिसाधीक्षकः विनीतकुमारश्च उपस्थितौ स्थित्वा संचलनस्य, ध्वजारोहणस्य, मञ्चव्यवस्थायाः तथा विविधकार्यक्रमाणां पूर्वाभ्यासं निरीक्षितवन्तौ।
निरीक्षणसमये जिलाधिकारीण सर्वेभ्यः अधिकारिभ्यः सर्वाः व्यवस्थाः निर्धारितसमये पूर्णाः कर्तुं कठोरनिर्देशाः प्रदत्ताः। अत्यधिकतापमानस्य दृष्ट्या समारोहस्थले पर्याप्तच्छायाव्यवस्था कर्तुं, संचलनप्राङ्गणं समतलं कर्तुं तथा अनावश्यकवालुकां निष्कासयितुं निर्देशः प्रदत्तः।
जिलाधिकारीण उक्तं यत् स्वातन्त्र्यदिवसः राष्ट्रियगौरवस्य प्रतीकः अस्ति तथा च जिलाप्रशासनं समारोहस्य गरिमापूर्णरीत्या आयोजनाय पूर्णतया तत्परम् अस्ति। पूर्वाभ्याससमये पुलिसाधिकारिणः, सुरक्षाकर्मचारिणः तथा संचलनदलस्य सदस्याः उपस्थिताः आसन्।
Hindusthan Samachar / Dheeraj Maithani