चंडीगढ़म्, 14 अगस्तमासः (हि.स.)। महाराष्ट्रस्य एकस्मिन् गुरुद्वारापरिसरे शिरोमणिअकालीदलस्य अध्यक्षे सुखबीरसिंहबादले कृते आक्रमणस्य अनन्तरं केन्द्रीयगृहमन्त्रिणा अमितशाहेन तस्य पत्नी तथा शिरोमणिअकालीदलस्य लोकसभासांसदया हरसिमरतकौरबादलया सह दूरभाषेण वार्ता कृता। बादलस्य स्वास्थ्यस्य विषये कुशलक्षेमं पृष्टवती हरसिमरतकौरः तस्य कृते धन्यवादं ज्ञापितवती।

हरसिमरतकौरबादलः सामाजिकसञ्चारमाध्यमे ‘एक्स’ इत्यत्र अवदत् यत् अमितशाहेन तया सह दूरभाषेण वार्तां कृत्वा सुखबीरसिंहबादलस्य स्वास्थ्यस्य विषये सूचना प्राप्ता। सा गृहमन्त्रिणः व्यक्तिगतचिन्तायै तथा कठिनसमये प्रदत्तस्य आश्वासनस्य कृते कृतज्ञतां व्यक्तवती। हरसिमरतः अवदत् यत् अमितशाहेन तस्यै अस्य घटनाक्रमस्य निष्पक्षस्य प्रभाविणश्च अन्वेषणस्य आश्वासनं प्रदत्तम्। सा अवदत् यत् गुरुगृहे अभ्यन्तरे घटितम् इदं आक्रमणम् अत्यन्तं पीडादायकम् अस्ति तथा सिखधर्मस्य मूलसिद्धान्तानां गम्भीरम् उल्लङ्घनम् अस्ति। सा आशां व्यक्तवती यत् प्रकरणस्य निष्पक्षतया अन्वेषणं भविष्यति तथा घटनायाः पृष्ठतः स्थितं सम्पूर्णं सत्यं पुरतः आगमिष्यति।

महाराष्ट्रस्य नान्देडनगरे स्थिते गुरुद्वारापरिसरे सुखबीरसिंहबादले खड्गेन आक्रमणं कृतम् आसीत्। घटनायाः अनन्तरम् अभियुक्तः घटनास्थले एव नियन्त्रितः। आक्रमणे सुखबीरबादलः आहतः अभवत्।

अमितशाहस्य हरसिमरतकौरबादलस्य च मध्ये अभूता इयं वार्ता राजनीतिकदृष्ट्यापि महत्त्वपूर्णा मन्यते। २०२० तमस्य वर्षस्य सितम्बरमासे कृषिकानूनानां विषये शिरोमणिअकालीदलेन राष्ट्रियजनतान्त्रिकगठबन्धनात् पृथग्भवितुं निर्णयः कृतः आसीत्। ततः अनन्तरं उभयोः नेतॄणां मध्ये दीर्घकालं यावत् राजनीतिकदूरत्वं वर्तितम्।

----------------------------

Hindusthan Samachar / Dheeraj Maithani