Enter your Email Address to subscribe to our newsletters
उप मुख्यमंत्रिणः अरुण सावस्य नेतृत्वे लोरमेः 14 ग्रामेषु निर्गता भव्या तिरंगा यात्रा, गूंजितो देशभक्तेः जयघोषः
लोरमी 14 अगस्तमासः (हि.स.)।
उपमुख्यमन्त्रीः तथा स्थानीयविधायकः अरुणसावः शुक्रवासरे लोरमीविधानसभाक्षेत्रस्य विभिन्नेषु ग्रामेषु युवामोर्चाकार्यकर्तृभिः सह मोटरचक्रिकया तिरङ्गायात्राम् अकरोत्। ग्रामस्य मार्गेषु चतुष्पथेषु च गच्छन्त्यां यात्रायां देशभक्तेः अद्भुतः उत्साहः दृश्यते स्म। ‘भारतमाताकी जय’ तथा ‘वन्दे मातरम्’ इति जयघोषैः ग्रामीणक्षेत्रं गुञ्जायमानम् अभवत्।
उपमुख्यमन्त्री सावः पुरातनबसस्थानकात् तहसीलचौकझंझपुरीतः अनेकान् ग्रामान् अतिक्रम्य दाऊकापापर्यन्तं तिरङ्गायात्राम् अकरोत्। यात्रा डोंगरिया, उरईकछार, अखरार, सारिसताल, धनियाडोली, अमलडीही, गोडखाम्ही तथा बोड़तराकला इत्येतेषु ग्रामेषु गत्वा अग्रे प्रवृत्ता। ग्रामस्य वीथिषु ग्रामीणमार्गेषु च लहरमानः तिरङ्गः देशभक्तेः सन्देशं प्रसारितवान्। ग्रामीणैः उत्साहपूर्वकं यात्रायाः स्वागतं कृतम्।
यात्रा हरदी, खेकतरा तथा खैरवारमार्गेण दाऊकापा प्राप्तवती। सर्वत्र तिरङ्गस्य प्रति सम्मानस्य देशप्रेम्णश्च भावः दृश्यते स्म। तिरङ्गस्य गौरवं वर्धयन् प्रत्येकं पदं देशस्य एकतायाः अखण्डतायाश्च सन्देशं प्रददाति स्म। दाऊकापायां तिरङ्गायात्रायाः समापनम् अभवत्। अस्मिन् अवसरे देशस्य स्वातन्त्र्यार्थं स्वसर्वस्वं समर्पितवद्भ्यः वीरस्वतन्त्रतासेनानीभ्यः श्रद्धापूर्वकं प्रणामः कृतः। विकसितस्य आत्मनिर्भरस्य च भारतस्य निर्माणे प्रत्येकस्य नागरिकस्य सहभागितायाः सङ्कल्पः अपि कृतः।
उपमुख्यमन्त्री सावः लोरमीनगरपालिकाक्षेत्रे मातृभूमेः प्रेम्णा सराब्धहृदयः सन् तिरङ्गायात्राम् अकरोत्। मानसस्थानकात् प्रारब्धा यात्रा नगरस्य मुंगेलीचौक, हटरीचौक, नवीनबसस्थानक, गुरुद्वाराचौक तथा पुरातनबसस्थानकमार्गेण अगच्छत्। अस्मिन् अवसरे ‘भारतमाताकी जय’ तथा ‘वन्दे मातरम्’ इति जयघोषैः सम्पूर्णं नगरं गुञ्जायमानम् अभवत्। नगरवासिभिः उत्साहपूर्वकं यात्रायां सहभागिता कृता। सर्वत्र तिरङ्गस्य प्रति सम्मानस्य देशस्य प्रति गौरवस्य च भावः दृश्यते स्म।
सावः अवदत् यत् तिरङ्गायात्रा वीरशहीदान् प्रणन्तुं तेषां बलिदानं स्मर्तुं च अवसरः अस्ति। इयं भारतमातुः सम्मानस्य तथा गृहे गृहे देशभक्तेः सन्देशं प्रापयितुं सङ्कल्पस्य प्रतीका अस्ति। ‘मम किं प्राप्स्यते’ इति भावनायाः उपरि उत्थाय अस्माभिः निःस्वार्थभावेन राष्ट्रहिते कार्यं कर्तव्यम्। अद्य वीरशहीदानां स्वप्नानि साकारं कर्तुं दायित्वं वयं सर्वे वहामः। आत्मनिर्भरस्य विकसितस्य च भारतस्य निर्माणे प्रत्येकस्य नागरिकस्य योगदानम् आवश्यकम् अस्ति।
प्रधानमन्त्रिणः नरेन्द्रमोदिनः नेतृत्वे देशः तीव्रगत्या अग्रे वर्धते। अस्माभिरपि पदे पदे सह गत्वा राष्ट्रनिर्माणे स्वकीयां भूमिकां निर्वोढव्या। एकः नागरिकः एकं पदम् अग्रे स्थापयिष्यति चेत् देशः चतुर्दशकोटिपदानि अग्रे गमिष्यति।
तिरङ्गायात्रायां लोरमीप्रभारी ज्योतिनन्दनदुबे, नगरपालिकाध्यक्षः सुजीतवर्मा, जनपदाध्यक्षः वर्षासिंह, जिलापञ्चायतसदस्या रत्नाकाटले, जिलापञ्चायतसदस्या अनितासाहू, धनीरामयादवः, प्रदीपमिश्रः, किसानमोर्चा तथा युवामोर्चायाः अन्ये कार्यकर्तारः, भाजपापदाधिकारिणः, पार्षदाः, एल्डरमेनपदाधिकारिणः, कार्यकर्तारः, सरपञ्चाः, पञ्चाः तथा ग्रामीणजनाः सम्मिलिताः अभवन्।
---------------
Hindusthan Samachar / Dheeraj Maithani