जगदलपुरम्, 14 अगस्तमासः (हि.स.)।स्वातन्त्र्यदिवसस्य पावनपर्वणः उपलक्ष्ये जनपदप्रशासनस्य क्रीडायुवकल्याणविभागस्य च संयुक्ततत्त्वावधानेन शुक्रवासरे जगदलपुरनगरे स्वतन्त्रतादौडस्य आयोजनं कृतम्। देशभक्त्या क्रीडाभावनया च ओतप्रोतस्य अस्य आयोजनस्य शुभारम्भः महापौरः संजय पाण्डेयः, आयुक्तः डोमनसिंहः, जनप्रतिनिधयः, अधिकारिणश्च हरितध्वजं प्रदर्श्य कृतवन्तः। तेन सह महापौरः संजय पाण्डेयः, बस्तरस्य आयुक्तः डोमनसिंहः, जनप्रतिनिधयः, अधिकारिणः कर्मचारिणश्च, क्रीडकाः, विद्यार्थिनः नागरिकाश्च अपि दौडितवन्तः। अस्मात् पूर्वम् अतिथयः प्रतिभागिनश्च सिरहासारभवनस्य समीपे स्थिते शहीदस्मारके पुष्पाणि समर्प्य शहीदान् श्रद्धया स्मृतवन्तः।

स्वतन्त्रताधावनस्य प्रारम्भः प्रातः अष्टवादने मां दन्तेश्वरीमन्दिरपरिसरात् अभवत्। दौडः मां दन्तेश्वरीमन्दिरपरिसरात् प्रारभ्य संजयमार्केट्, हनुमानमन्दिरम्, हाताग्राउण्ड्, चान्दनीचौकम्, शहीदपार्कचौकम्, पुरातनबसस्थानकम्, एसबीआईचतुष्पथं, मुख्यमार्गम्, गोलबाजारचौकं मितालीचौकं च अतिक्रम्य पुनः मां दन्तेश्वरीमन्दिरपरिसरं प्राप्तवती, यत्र तस्याः समापनम् अभवत्। अस्मिन् अवसरे पुलिसाधीक्षकः शलभसिन्हा, जनपदपञ्चायतस्य मुख्यकार्यपालनाधिकारी तन्मयखन्ना, अपरजिलाधीशः सीपीबघेलः इत्यादयः विभिन्नविभागानाम् अधिकारिणः कर्मचारिणश्च, पुलिसप्रशिक्षणकेन्द्रस्य गृहसुरक्षादलस्य च सैनिकाः, शिक्षणसंस्थानां विद्यार्थिनः, विभिन्नक्रीडासङ्घानां क्रीडकाः गणमान्यनागरिकाś्च बहुसंख्यया सम्मिलिताः।

स्वतन्त्रताधावनेन नगरे देशभक्तेः उत्साहस्य च वातावरणं निर्मितम्। प्रतिभागिभिः दौडस्य माध्यमेन स्वस्थजीवनशैल्याः, क्रीडाभावनायाः राष्ट्रप्रेम्णश्च सन्देशः प्रदत्तः। आयोजनस्य उद्देश्यम् नागरिकेषु, विशेषतः युवकेषु, देशभक्तिभावनायाः दृढीकरणेन सह क्रीडासु जागरूकतायाः सहभागितायाश्च संवर्धनम् आसीत्। अस्मिन् अवसरे उपस्थितैः सर्वैः टीबीमुक्तछत्तीसगढस्य शपथः स्वीकृतः।

---------------

Hindusthan Samachar / Dheeraj Maithani