Enter your Email Address to subscribe to our newsletters
चंडीगढम्, 14 अगस्तमासः (हि.स.)।
शिरोमणिअकालीदलस्य सांसदः हरसिमरतकौरबादलः नान्देडे सुखबीरसिंहबादले अभिहत्ये जाते तस्य प्राणरक्षणे महत्त्वपूर्णां भूमिकां निर्वहणवतः महाराष्ट्रपुलिसस्य विशेषसुरक्षादलस्य निरीक्षकस्य सन्तोषवैजनाथकेन्द्रे इत्यस्य शौर्यस्य प्रशंसां कृतवती।
हरसिमरतकौरबादलः सामाजिकसञ्चारमाध्यमे ‘एक्स’ इत्यत्र सन्देशं प्रकाशितवती यत् सा निरीक्षकं सन्तोषवैजनाथकेन्द्रे तस्य साहसस्य वीरतायाश्च कृते प्रणमति। सा अवदत् यत् सन्तोषकेन्द्रे आक्रमणकारिणः सुखबीरसिंहबादलस्य च मध्ये मानवीयरूपेण रक्षाकवचभूत्वा स्थितवान् तथा स्वप्राणानां चिन्तां विना तस्य सुरक्षां कृतवान्। सा अवदत् यत् निरीक्षकः केन्द्रे अनेन सिद्धं कृतवान् यत् वर्दीधारणस्य वास्तविकः अर्थः कः अस्ति—स्वार्थात् पूर्वं कर्तव्यं तथा भयात् पूर्वं साहसं स्थापयितुम्।
बादलपरिवारस्य पक्षतः निरीक्षकाय गहनकृतज्ञतां व्यक्तीकुर्वती हरसिमरतः अवदत् यत् तस्य वीरता कदापि न विस्मरिष्यते। हरसिमरतकौरबादलः आहतस्य निरीक्षकस्य सन्तोषकेन्द्रे शीघ्रस्वास्थ्यलाभस्य कामनां कुर्वती अवदत् यत् वाहेगुरुः तं शीघ्रं स्वस्थं करोतु। सा नान्देडस्य यशोसाईचिकित्सालयस्य चिकित्सकेभ्यः तथा सम्पूर्णकर्मचारिवृन्दाय अपि विशेषरूपेण कृतज्ञतां ज्ञापितवती।
सा अवदत् यत् चिकित्सालयस्य चिकित्सकैः कर्मचारिभिश्च निरन्तरं सेवां कुर्वद्भिः कठिनसमये परिवाराय धैर्यं तथा आश्रयं प्रदत्तम्।
---------------------------------