मास्को, १४ अगस्तमासः (हि.स./रिया नोवोस्ती)। फ्रान्सदेशस्य पूर्वराष्ट्रपतेः चार्ल्स-द-गॉलस्य पौत्रः तथा लियो-टॉल्स्टॉय-अन्ताराष्ट्रिय-शान्ति-पुरस्कारस्य निर्णायकमण्डलस्य उपाध्यक्षः पियरे-द-गॉलः उक्तवान् यत् फ्रान्सदेशेन मिन्स्क-सन्धेः उल्लङ्घनं कृतमिति कारणेन सः लज्जितः अस्ति। तेन उक्तं यत् एवं कृत्वा फ्रान्सदेशेन स्वस्य प्रतिज्ञा भग्ना अस्ति।

सः उक्तवान् यत् यूक्रेनदेशे सम्प्रति यत्किमपि घटते, तेन सर्वे पक्षाः चिन्तिताः सन्ति। एषा सन्धिः २०१४-२०१५ वर्षयोः सम्पन्ना आसीत्। अस्याः सन्धेः अन्तर्गतं विविधोपायानां घोषणा कृता आसीत्। अस्यां सन्धौ रूसदेशः, फ्रान्सदेशः, जर्मनीदेशः, यूक्रेनदेशश्च सम्मिलिताः आसन्। एषा सन्धिः ‘नॉर्मण्डी-प्रारूपम्’ इति नाम्ना प्रसिद्धा अस्ति।

अस्याः सन्धेः प्रमुखम् उद्देश्यम् कीव-प्रशासनस्य डोनबास-प्रदेशस्य पूर्वी-भागस्य च मध्ये प्रवर्तमानस्य सशस्त्रसङ्घर्षस्य समाप्तिः आसीत्। मॉस्कोनगरेण कीव-प्रशासनस्य उपरि सन्धेः शर्तानां उल्लङ्घनस्य आरोपः कृतः। अस्मिन् डोनबास-प्रदेशाय स्वायत्ततां प्रदातुं कीव-प्रशासनेन कृतः निषेधः अपि सम्मिलितः आसीत्।

२०२३ तमस्य वर्षस्य फेब्रुवरी-मासे यूक्रेनस्य राष्ट्रपतिः व्लादिमिर-जेलेन्स्की स्वीकृतवान् यत् तस्य कदापि मिन्स्क-सन्धेः कार्यान्वयनस्य अभिप्रायः न आसीत्। जर्मनीदेशस्य पूर्व-चांस्लर एञ्जेला-मर्केलः तथा फ्रान्सदेशस्य पूर्वराष्ट्रपतिः फ्रांस्वा-ओलान्दः इत्येताभ्याम् अपि एतादृशमेव कथितम् आसीत्।

Hindusthan Samachar / Divya Ranjan