Enter your Email Address to subscribe to our newsletters
नवदिल्ली, १४ अगस्तमासः (हि.स.)। भारतदेशे एव अधुना पञ्चमवंशस्य उन्नत-मध्यम-युद्धविमानस्य इञ्जिन निर्मास्यते। अस्मै प्रयोजनाय रिलायन्स इण्डस्ट्रीज लिमिटेड् तथा रोल्स-रॉयस-संस्थयोः मध्ये सहयोगस्य घोषणा कृता अस्ति।
रिलायन्स इण्डस्ट्रीज लिमिटेड् तथा रोल्स-रॉयस-संस्थयोः पक्षतः शुक्रवासरे कथितं यत् उन्नत-मध्यम-युद्धविमान-कार्य-क्रमाय संयुक्तरूपेण युद्धविमानस्य इञ्जिनस्य विकासं कर्तुं तयोः अभिप्रायः अस्ति। भारतस्य बृहत्तमा निजक्षेत्रीय-निर्माणी तथा ब्रिटेनस्य प्रसिद्धा विमान-इञ्जिन-निर्मात्री निर्माणी च संयुक्तरूपेण भारतदेशे स्वदेशीय-युद्धविमान-प्रणोदन-क्षमतायाः विकासाय प्रयत्नं करिष्यतः।
उभे निर्माण्यौ संयुक्तविवरणे उक्तवत्यौ यत् भारतदेशे समर्पितस्य वायुमण्डलीय-अन्तरिक्ष-गैस-टर्बाइन-परिसरस्य निर्माणस्य सम्भावनां तौ अन्वेषयिष्यतः। अस्य सहयोगस्य अन्तर्गतं रिलायन्स इण्डस्ट्रीज तथा रोल्स-रॉयस च युद्धविमानस्य इञ्जिनस्य अभिकल्पनम्, विकासः, निर्माणम्, परीक्षणम्, उत्पादनम्, आजीवनसहयोगश्च अन्तर्भावयन्तं समर्पितं वायुमण्डलीय-अन्तरिक्ष-गैस-टर्बाइन-परिसरं निर्मातुं सम्भावनासु कार्यं करिष्यतः।
विवरणानुसारम् अस्य सहयोगस्य अन्तर्गतं रिलायन्स तथा रोल्स-रॉयस भारतदेशे शक्तेः प्रणोदन-प्रौद्योगिक्याश्च केन्द्रभूतं उत्कृष्टताकेन्द्रं भवितुं शक्नुवन्तं समर्पितं वायुमण्डलीय-अन्तरिक्ष-गैस-टर्बाइन-परिसरं निर्मातुं सम्भावनां परीक्षिष्यतः।
अयं सहयोगः भारतदेशे एएमसीए-इञ्जिनस्य संयुक्तविकासाय उत्कृष्टं प्रस्तावं प्रस्तुतं करिष्यति, यस्मिन् विश्वस्य अग्रणी-प्रौद्योगिकी तथा औद्योगिक-कार्यान्वयनक्षमता एकत्र आगमिष्यतः। एतत् भारतस्य रक्षाक्षेत्राय प्रधानमन्त्रिणः नरेन्द्रमोदिनः तस्य दृष्टिकोणस्य साकारदिशि महत्त्वपूर्णं सोपानं भविष्यति, यस्य अन्तर्गतं देशस्य युद्धविमान-कार्यक्रमाय शक्तिप्रदं स्वदेशीयम् इञ्जिनं निर्मातुं लक्ष्यं वर्तते।
रिलायन्स इण्डस्ट्रीज-संस्थायाः कार्यकारी-निदेशकः अनन्त-अम्बानी उक्तवान् यत् अस्य सहयोगस्य उद्देश्यं भारतदेशे उन्नत-वायुविमान-इञ्जिन-प्रौद्योगिक्याः सम्बन्धितं स्वदेशीयं पारिस्थितिकीतन्त्रं निर्मातुम् अस्ति।
रोल्स-रॉयस पीएलसी-संस्थायाः मुख्य-कार्यकारी-अधिकारी तुफान-एर्गिन-बिल्गिच: उक्तवान् यत् अयं सहयोगः संस्थायाः अभियांत्रिकी-परम्परां तथा इञ्जिन-निर्माणक्षमतां भारतदेशे रिलायन्स-संस्थायाः औद्योगिक-उपस्थित्या सह संयोजयिष्यति।
Hindusthan Samachar / Divya Ranjan