औरैया, 14 अगस्तमासः (हि. स.)।

उत्तरप्रदेशस्य औरैयाजनपदे शुक्रवासरे १४ अगस्तदिनाङ्के पुलिसाधीक्षककार्यालयपरिसरे विभाजनविभीषिकास्मृतिदिवसः आचरितः। कार्यक्रमस्य समये अपरपुलिसाधीक्षकः अभिषेकभारती इत्यादयः पुलिसाधिकारिणः कर्मचारिणश्च विभाजनस्य समये पीडितेभ्यः तथा प्राणान् त्यक्तवद्भ्यः जनेभ्यः श्रद्धाञ्जलिं समर्पितवन्तः।

अस्मिन् अवसरे पुलिसकर्मचारिभिः किञ्चित्कालं मौनं धृत्वा विभाजनस्य त्रासदायां प्रभावितान् जनान् स्मृतवन्तः। अधिकारिभिः विभाजनस्य समये जनैः अनुभूतां पीडां तथा कठिनपरिस्थितीः स्मरन्तः श्रद्धाञ्जलिः समर्पिता।

कार्यक्रमे क्षेत्राधिकारी बिधूनासहिताः पुलिसविभागस्य अन्ये अधिकारिणः कर्मचारिणश्च उपस्थिताः आसन्। एतस्यैव क्रमे जनपदस्य सर्वेषु थानेष्वपि विभाजनविभीषिकास्मृतिदिवसस्य आयोजनं कृतम्। थानापरिसरेषु पुलिसकर्मचारिभिः मौनं धृत्वा विभाजनस्य समये प्राणान् त्यक्तवद्भ्यः जनेभ्यः श्रद्धाञ्जलिः समर्पिता।

---------------

Hindusthan Samachar / Dheeraj Maithani