Enter your Email Address to subscribe to our newsletters
वाराणसी, 14 अगस्तमासः (हि.स.)। स्वातन्त्र्यदिवसस्य एकदिनपूर्वं शुक्रवासरे जिलाधिकारीणा सत्येन्द्रकुमारेण ‘सर्वेषु गृहेषु त्रिवर्णध्वजः’ अभियानस्य अन्तर्गतं त्रिवर्णध्वजयात्रां हरितध्वजं प्रदर्श्य प्रस्थापिता। ‘भारतमातायै जयः’ तथा ‘वन्दे मातरम्’ इत्यादीनां जयघोषाणां मध्ये एषा त्रिवर्णध्वजयात्रा समाहरणालयात् प्रारभ्य केन्द्रीयकारागारपर्यन्तं गत्वा तत्र कार्यक्रमः समापितः। यात्रायां होमगार्डस्य जवानाः अपि सहभागं कृतवन्तः।
यात्रायां सम्मिलिताः जनाः राष्ट्रध्वजस्य सम्मानस्य, राष्ट्रस्य एकतायाः अखण्डतायाश्च संरक्षणाय समर्पिताः दृश्यन्ते स्म। अस्यां यात्रायां देशभक्तिपूर्णैः घोषैः हस्तेषु त्रिवर्णध्वजं गृहीत्वा च जनैः राष्ट्रप्रेम्णः भावनां सुदृढां कृतम्।
स्वातन्त्र्यदिवसस्य पूर्वसन्ध्यायामेव श्रीकाशीअग्रवालसमाजस्य पक्षतः अपि विशालां त्रिवर्णध्वजयात्राम् आयोजितम्। यात्रा श्रीअग्रसेनकन्याअन्तर्महाविद्यालयस्य टाउनहालपरिसरात् प्रारब्धा। यात्रायाः शुभारम्भः नगरदक्षिणीक्षेत्रस्य विधायकः डॉ. नीलकण्ठतिवारी इत्यनेन कृतः।
त्रिवर्णध्वजयात्रा समाजस्य सभापतेः सन्तोषकुमारअग्रवालस्य, प्रधानमन्त्रिण्याः डॉ. रचनाअग्रवालस्य, उपसभापतेः आर.सी. जैनस्य च नेतृत्वे बुलानाला, मैदागिन, मालवीयमार्केट, पराडकरभवनम् इत्येतानि स्थानानि अतिक्रम्य पुनः अन्तर्महाविद्यालयपरिसरं प्राप्य समापिता।
त्रिवर्णध्वजयात्रायां अग्रसेनअन्तर्महाविद्यालयस्य प्रबन्धिका डॉ. गरिमाटकसाली, सहायकप्रबन्धकः पवनमित्तलः, प्रधानाचार्या सङ्गीताबैनर्जी इत्यादयः अन्ये च पदाधिकारिणः सम्मिलिताः आसन्।
यात्रायां अग्रसेनमहाजनीअन्तर्महाविद्यालयस्य तथा श्रीअग्रसेनस्नातकमहाविद्यालयस्य विज्ञानसङ्कायस्य छात्राः छात्र्यश्च शिक्षकाः च त्रिवर्णध्वजं गृहीत्वा ‘हर हर महादेव’ तथा ‘भारतमातायै जयः’ इत्यादीन् जयघोषान् कुर्वन्तः महता उत्साहेन अग्रे गच्छन्तः आसन्।
यात्रायाम् अमिताअग्रवालः, अशोकअग्रवालः, अग्रसेनस्नातकमहाविद्यालयस्य डॉ. सङ्गीताश्रीवास्तवः, डॉ. शुभासक्सेना, डॉ. वन्दनापाण्डेयः, डॉ. विनोदोपाध्यायः इत्यादयः अपि सम्मिलिताः आसन्।--------------
Hindusthan Samachar / Dheeraj Maithani