मुख्यमंत्रिणा नायब सैनिना हांस्यां कृताःध्वजारोहणे

स्वतंत्रता सेनानिनः तदीयपरिजनाः सम्मानिताः

हांसी, 14 अगस्तमासः (हि.स.)।

देशभक्त्या, शौर्येण विकाससङ्कल्पेन च सह हरियाणाप्रदेशस्य नवनिर्मिते हांसीजनपदे प्रथमवारं जनपदस्तरीयस्वातन्त्र्यदिवससमारोहः आयोजितः। मुख्यमन्त्री नायबसिंहसैनी राजकीयमहाविद्यालयपरिसरे तिरङ्गध्वजं समुत्तोल्य प्रदेशवासिभ्यः अशीतितमस्य स्वातन्त्र्यदिवसस्य हार्दिकशुभकामनाः प्रदत्तवान्। मुख्यमन्त्रिणः ध्वजारोहणसमये शनिवासरे समारोहस्थले देशभक्तिपूर्णं वातावरणं दृश्यते स्म तथा विद्यार्थिभिः वन्देमातरम् इति राष्ट्रगीतस्य मनोहरा प्रस्तुति दत्ता, येन सम्पूर्णं वातावरणं राष्ट्रप्रेम्णा सराबोरम् अभवत्।

स्वकीयसम्बोधने मुख्यमन्त्री नायबसिंहसैनी देशस्य स्वातन्त्र्यार्थं स्वसर्वस्वं समर्पितवद्भ्यः ज्ञाताज्ञातशहीदेभ्यः श्रद्धाञ्जलिं समर्पयन् अवदत् यत् अद्य वयं यस्यां स्वतन्त्रवायौ श्वासं गृह्णीमः, सा वीरशहीदानां बलिदानस्य देनम् अस्ति। सः अहर्निशं सर्वासु ऋतुषु च देशस्य सीमाः रक्षद्भ्यः वीरसैनिकेभ्यः विशेषरूपेण शुभकामनाः श्रद्धाञ्जलिं च समर्पितवान्। मुख्यमन्त्री अवदत् यत् अस्मिन् वर्षे ‘हर घर तिरङ्गा अभियानम्’ राष्ट्रियगीताय ‘वन्देमातरम्’ इत्यस्मै समर्पितम् अस्ति, यत् देशभक्तिभावनायाः नूतनां ऊर्जां प्रदातुं कार्यं करोति।

मुख्यमन्त्री हांसीनगरस्य गौरवपूर्णं इतिहासं स्मरन् अवदत् यत् १८५७ तमे वर्षे सम्पन्ने क्रान्तिसङ्ग्रामे हांसीनगरस्य जनैः वर्धितोत्साहेन सहभागिता कृता आसीत्। क्षेत्रस्य अनेके वीराः देशस्य स्वातन्त्र्यार्थं स्वसर्वस्वं समर्पितवन्तः। सः अवदत् यत् हांसीजनपदस्य स्थापनानन्तरम् अत्र आयोजितः अयं प्रथमः जनपदस्तरीयस्वातन्त्र्यदिवससमारोहः स्वयमेव ऐतिहासिकः गौरवपूर्णश्च अवसरः अस्ति।

मुख्यमन्त्री अवदत् यत् प्रदेशस्य अर्थव्यवस्थां सुदृढां कर्तुं रोजगारस्य नवीनान् अवसरान् च सृजितुं नूतना हरियाणा प्रगतिशीला एमएसएमई तथा निर्यातसंवर्धननीतिः २०२६ प्रारब्धा अस्ति। अस्याः नीत्याः लक्ष्यं पञ्चपञ्चाशत्सहस्रकोटिरूप्यकेभ्यः अधिकं निवेशम् आकर्षयितुं तथा पञ्चलक्षाधिकानां नवीनरोजगारावसराणां सृजनम् अस्ति। सर्वकारेण ‘मेक इन हरियाणा औद्योगिकनीतिः २०२६’ इत्यनया सह नव अन्याः क्षेत्रीयनीतयः अपि प्रारब्धाः सन्ति, यासां परिणामस्वरूपं हरियाणाप्रदेशः देशविदेशयोः निवेशकानां प्रथमविकल्पः भवति।

कृषकान् प्रदेशस्य अर्थव्यवस्थायाः मेरुदण्डं वर्णयन् मुख्यमन्त्री अवदत् यत् सर्वकारः कृषकाणाम् आयवृद्ध्यर्थं कृषेः नवीनान् स्थायिमाडल् इति प्रतिमानान् अधिकृत्य कार्यं करोति। प्रायः चतुर्विंशतिसहस्रं कृषकाः चतुश्चत्वारिंशत्सहस्राधिकेषु एकरेषु भूमिक्षेत्रेषु प्राकृतिककृषिम् अङ्गीकृतवन्तः। सः अवदत् यत् हरियाणाप्रदेशः देशस्य एकमात्रं राज्यं वर्तते, यत्र कृषकाणां चतुर्विंशतिः फसलाः न्यूनतमसमर्थनमूल्येन क्रियन्ते।

मुख्यमन्त्री नायबसिंहसैनी अवदत् यत् अद्य हरियाणाप्रदेशः समृद्धेः नूतनां परिभाषां लिखति। विगतद्वादशवर्षाणां कार्यकालः समानविकासस्य, सामाजिकसमरसतायाः, सहिष्णुतायाश्च साक्षी अभवत्। सः प्रदेशवासिभ्यः आह्वानं कृतवान् यत् महान् सांस्कृतिकपरम्पराः उच्चनैतिकमूल्यानि च सह नीत्वा विकसितभारतस्य निर्माणे हरियाणाप्रदेशं अग्रणीं कर्तुं पूर्णनिष्ठया, एकतया, कठोरपरिश्रमेण च अग्रे गच्छन्तु। सः अवदत् यत् विकसितभारतस्य सह विकसितहरियाणस्य स्वप्नं तदैव साकारं भविष्यति, यदा प्रदेशस्य प्रत्येकः नागरिकः राष्ट्रनिर्माणं स्वकीयसङ्कल्परूपेण स्वीकरिष्यति।

Hindusthan Samachar / Dheeraj Maithani