गुवाहाटी, १५ अगस्तमासः (हि.स.)। असमस्य मुख्यमन्त्री डॉ. हिमन्तबिस्वसर्मा शनिवासरे वर्षे २००४ तमे जाते भयावहे धेमाजी-आतङ्किहत्याकाण्डे प्राणान् त्यक्तवद्भ्यः निर्दोषेभ्यः बालकेभ्यः, शिक्षक-शिक्षिकाभ्यः अन्येभ्यश्च जनेभ्यः गहनां श्रद्धाञ्जलिं समर्पितवान्।

मुख्यमन्त्री सामाजिकमाध्यमे प्रकाशिते सन्देशे अवदत् यत् धेमाजीतः सा पीडादायिनी घटना असमस्य हिंसायाः उग्रवादस्य च भयावहस्य कृष्णेतिहासस्य एकं तथ्यम् अस्ति। सः अवदत् यत् अद्य असम शान्तेः, स्थैर्यस्य विकासस्य च नूतनयुगे अग्रे वर्धते, यत्र प्रत्येकं बालकं सुरक्षितवातावरणे शिक्षां प्राप्तुं, स्वप्नान् द्रष्टुं, उज्ज्वलं भविष्यं निर्मातुं च अवसरं प्राप्नोति।

डॉ. सर्मा अवदत् यत् अस्मिन् दिने राज्यं पुनः सङ्कल्पबद्धम् अस्ति यत् असमप्रदेशे एतादृशी हृदयविदारिणी घटना पुनः कदापि न भवेत्। सः स्थायिशान्तिं, सद्भावं सुरक्षां च अधिकं सुदृढीकर्तुं स्वप्रतिबद्धतां प्रकटितवान्।

Hindusthan Samachar / Divya Ranjan