सारणम्, 15 अगस्तमासः (हि.स.)।

स्वातन्त्र्यदिवसस्य अवसरे छपरास्थिते राजेन्द्रक्रीडाङ्गणे आयोजिते मुख्यसमारोहे बिहारस्य उपमुख्यमन्त्री तथा सारणजनपदस्य प्रभारीमन्त्री बिजेन्द्रप्रसादयादवः ध्वजारोहणम् अकरोत्। अस्मिन् अवसरे राष्ट्रगानेन सह सम्पूर्णं क्रीडाङ्गणं देशभक्तिभावेन गुञ्जितम्।

ध्वजारोहणानन्तरं उपमुख्यमन्त्री परेडस्य निरीक्षणं कृत्वा स्वातन्त्र्यदिवसस्य अवसरे जनपदवासिभ्यः शुभकामनाः अयच्छत्। समारोहे जनपदप्रशासनस्य तथा पुलिसविभागस्य वरिष्ठाः अधिकारीणः, जनप्रतिनिधयः, विभिन्नविभागानां पदाधिकारीणः, विद्यालयीयाः छात्राः तथा बहुसंख्याकाः नगरवासिनः उपस्थिताः आसन्।

समारोहे विभिन्नदलैः आकर्षकं मार्चपास्ट् प्रदर्शितम्। विद्यालयीयैः छात्रैः तथा विभिन्नसंस्थानानां पक्षतः देशभक्तिसम्बद्धाः कार्यक्रमाः अपि प्रस्तुताः। सम्पूर्णस्य आयोजनस्य अवधौ सुरक्षाव्यवस्थां यातायातव्यवस्थां च दृष्ट्वा जनपदप्रशासनेन पुलिसविभागेन च व्यापकाः व्यवस्थाः कृताः आसन्।

अस्मिन् अवसरे उपमुख्यमन्त्री स्वातन्त्र्यसेनानीभ्यः तथा देशस्य स्वातन्त्र्यार्थं स्वप्राणान् न्योछावरितवन्तः वीरसपूतेभ्यः श्रद्धाञ्जलिम् अर्पितवान्। सः अवदत् यत् स्वातन्त्र्यदिवसः अस्मान् देशस्य एकतायाः, अखण्डतायाः तथा लोकतान्त्रिकमूल्यानां रक्षणार्थं निरन्तरं कार्यं कर्तुं प्रेरणां ददाति।

राजेन्द्रक्रीडाङ्गणे आयोजितं मुख्यसमारोहं प्रति प्रातःकालादेव जनानां मध्ये उत्साहः आसीत्। बहुसंख्याकाः जनाः समारोहे सम्मिलिताः तथा राष्ट्रध्वजं प्रति स्वसम्मानं प्रकटितवन्तः।

Hindusthan Samachar / Dheeraj Maithani