राजनांदगांवनगरम्, 15 अगस्तमासः (हि.स.)। राजनांदगांवजनपदे स्वतन्त्रतादिवसस्य पर्व अभूतपूर्वेण उत्साहेन उल्लासेन च आचरितम्। अस्मिन् अवसरे शौर्य पथसंचलनक्षेत्रे, पुलिसप्रशिक्षणविद्यालये आयोजिते जनपदस्तरीये मुख्यसमारोहे मुख्यातिथिः विधानसभाध्यक्षः डॉ. रमनसिंह-महोदयः ध्वजारोहणं कृत्वा पथसंचलनस्य सैन्यप्रणामं गृहीतवान्, उल्लासस्य प्रतीकान् वायुपूरितगोलकान् आकाशे च त्यक्तवान्।

समारोहे राष्ट्रगीतस्य वन्देमातरम् राष्ट्रगानस्य जनगणमन इत्यस्य च गायनानन्तरं कलेक्टर् जितेन्द्रयादव-महोदयः मुख्यमन्त्रिणः विष्णुदेवसाय-महोदयस्य सन्देशस्य वाचनं कृतवान्। अस्मिन् काले विधानसभाध्यक्षः उत्कृष्टं कार्यं कुर्वताम् अधिकारि-कर्मचारिणां सहैव बलिदानिनां जवानानां परिजनान् उत्तरीयेन श्रीफलेन च सम्मानितवान्।

रक्षितनिरीक्षकस्य लोकेशकुमारकंवर-महोदयस्य कुशलेन नेतृत्वेन आयोजितायां भव्ये पथसंचलने 15 प्लाटूनैः भागं गृहीत्वा त्रिवर्णध्वजाय सैन्यप्रणामः दत्तः। पथसंचलनप्रतियोगितायाः आर्म्स्-प्लाटून्-वर्गे 38तमबटालियन् आईटीबीपी-संस्था प्रथमं जनपदपुलिसबलं (पुरुषवर्गः) च द्वितीयं स्थानं प्राप्तवत्। तत्र अन्-आर्म्स्-सीनियर्-बालकवर्गे एनसीसी-दिग्विजयमहाविद्यालयः विजयं प्राप्तवान्। जूनियर्-बालिकावर्गे एनसीसी-बालिका-दिग्विजयमहाविद्यालयः प्रथमं तथा एनसीसी-बालिका-कमला-कॉलेज् द्वितीयं स्थानम् आप्तवत्। जूनियर्-बालकवर्गे एनसीसी-बालक-स्टेट्-हाईस्कूल्-संस्था प्रथमं एनसीसी-नेवल्-डॉ.बल्देवप्रसादमिश्र-विद्यालयः च द्वितीयं स्थानं प्राप्तवन्तौ।

ध्वजारोहणस्य पथसंचलनस्य च अनन्तरं विविधानां विद्यालयानां छात्र-छात्राः आकर्षकं व्यायामप्रदर्शनं देशभक्तिगीतेषु आधारिताः मनमोहकाः सांस्कृतिकाः प्रस्तुतीः च दत्तवन्तः। सांस्कृतिककार्यक्रमाणां प्रतियोगितायां हरियर्-छत्तीसगढ़-गीते उत्कृष्टप्रदर्शनाय पीएम्श्री-सर्वेश्वरदास्-नगरपालिकानिगमोच्चतरमाध्यमिकविद्यालयाय प्रथमपुरस्कारः प्रदत्तः। तत्र मिट्टीकेबेटे-गीते प्रस्तुतिं ददतः पदुमलालपुन्नालालबख्शी-कन्याउच्चतरमाध्यमिकविद्यालयाय द्वितीयः हमाराविकसितभारत-गीते प्रस्तुतिं ददतः युगांतर्-पब्लिक्-स्कूल्-संस्थायै च तृतीयः पुरस्कारः प्रदत्तः।

अस्मिन् भव्ये आयोजने पुलिसाधीक्षिका अंकिताशर्मा-महोदया, जनप्रतिनिधयः, वरिष्ठाः प्रशासनिकाः अधिकारिणः, बृहत्संख्यया च स्थानीयाः नागरिकाः उपस्थिताः आसन्।

Hindusthan Samachar / Divya Ranjan