— सेनायाः, नौसेनायाः वायुसैन्यस्य च सैनिकैः तथा ‘मेरा भारत’ इत्यस्य स्वयंसेवकैः सहभागः कृतः

नवदिल्ली, १५ अगस्तमासः (हि.स.)। रक्तदुर्गस्य प्राचीरात् देशस्य स्वातन्त्र्यस्य असीतितमं वर्षोत्सवं मानयितुं आयोजिते भव्यसमारोहे सेनायाः, नौसेनायाः वायुसैन्यस्य च सैनिकैः तथा ‘मेरा भारत’ इत्यस्य स्वयंसेवकैः सह २५०० बालकबालिकाभिः सहभागः कृतः। एते सर्वे ज्ञानपथे लालदुर्गस्य प्राचीरस्य पुरतः उपविष्टवन्तः तथा ‘वन्दे मातरम्’ इत्यस्य आकृतिं निर्मितवन्तः। ‘विकसितभारत @2047’ इति समारोहस्य विषयवस्तुं प्रदर्शयितुं ज्ञानपथे विशेषाः दृश्यप्रतिबन्धकाः अपि स्थापिताः।

अस्मिन् वर्षे लालदुर्गे आयोजिते स्वातन्त्र्यदिवससमारोहे देशस्य विभिन्नेभ्यः क्षेत्रेभ्यः प्रायः ५००० विशिष्टातिथयः आमन्त्रिताः आसन्। तेषु समाजस्य विभिन्नवर्गाणां प्रतिनिधित्वं कुर्वन्तः जनाः सम्मिलिताः आसन्। दिल्ली-सर्वकारीयविद्यालयेषु आयोजितासु विभिन्नासु प्रश्नोत्तरीषु प्रतियोगितासु च भागं गृहीतवन्तः विद्यार्थी अपि अस्य भव्यसमारोहस्य दर्शनार्थम् आगतवन्तः। विभिन्नेभ्यः राज्येभ्यः केन्द्रशासित-प्रदेशेभ्यश्च पारम्परिकवेषभूषां धारयन्तः १५०० अधिकाः जनाः अपि आमन्त्रिताः आसन्। २०० स्वयंसेवकैः आरक्षिभिः सह मिलित्वा आगन्तुकान् तेषां निर्धारितपरिक्षेत्रं प्रति नेतुं सहायता कृता। तेषु एनसीसी-सङ्घस्य ‘मेरा भारत’ इत्यस्य च १००-१०० स्वयंसेवकाः आसन्। रक्तदुर्गं प्रति गच्छति मार्गे एतेषां स्वयंसेवकानां नियुक्तिः कृता आसीत्।

अस्य वर्षस्य आमन्त्रणपत्रे ‘सेवा तीर्थ’ इत्यस्य ‘धर्मचक्र’स्य च दृश्यं प्रदर्शितम् आसीत्। विशिष्टव्यक्तिसंस्कृतेः समाप्तेः तथा जलसंरक्षणस्य महत्त्वस्य प्रकाशनस्य उद्देश्येन स्वातन्त्र्यदिवससमारोहे आसन-स्थानानां नामानि भारतस्य प्रमुखाणां सरसां नामभिः निर्धारितानि। तेषु बड़खल, भीमताल, चन्द्रताल, चिल्का, दलपत-सागरः, डिमना, दुग्धसागरः, हाफलोंग, हरिके, हुसैनसागरः, कंवर, कांकरिया, कोलेरू, लोकतक, लोनार, पैंगोंगत्सो, पुलिकट, पुष्कर, रवीन्द्रसरोवरः, रामगढ़तालः, रुद्रसागरः, साख्यसागरः, शान्तिसागरः, वेम्बनाड तथा वूलर इत्यादीनि सरांसि सम्मिलितानि आसन्।

लालदुर्गे राष्ट्रीय-कैडेट-कोर इत्यस्य कैडेटच्छात्रा: ‘मेरा भारत’ इत्यस्य स्वयंसेवकैश्च कार्यक्रमस्य अनन्तरं विशेषः स्वच्छताभियानः सञ्चालितः। अस्य उद्देश्यं समारोहस्य समाप्तेः दर्शकानां च निर्गमनानन्तरं लालदुर्गपरिसरे व्यवस्थितरूपेण शीघ्रं कूटकनिर्मूलनम् आसीत्। स्वातन्त्र्यदिवससमारोहस्य समये सम्भावितवृष्टिं दृष्ट्वा जलप्लावनं जलस्य अतिप्रवाहं च निवारयितुं व्यापकाः व्यवस्थाः कृताः आसन्। रक्तदुर्गे तद्समीपवर्तिषु क्षेत्रेषु च जलनिकासी-व्यवस्थायाः मलजलव्यवस्थायाश्च पूर्णतया स्वच्छता आवश्यकं अनुरक्षणं च कृतम्।

Hindusthan Samachar / Divya Ranjan