Enter your Email Address to subscribe to our newsletters
- नायकः सोनिया सिंह चौहानः प्रधानमंत्रिणे मोदिने राष्ट्रिय ध्वजोन्नयनस्य सहायता कृता
नव दिल्ली, 15 अगस्तमासः (हि.स.)।ऐतिहासिकविरासतस्थले लालदुर्गे अद्य देशस्य स्वातन्त्र्यस्य अष्टाशीतितमं पर्व उल्लासेन आचरितम्। स्वातन्त्र्यदिवससमारोहे प्रथमवारं राष्ट्रियगीतस्य ‘वन्दे मातरम्’ इत्यस्य गायनेन सार्धं सार्धैकशतवर्षप्राचीनायाः विरासतायाः स्मरणं कृतम्। भारतीयवायुसेनायाः द्वौ एमआइ १७ हेलिकॉप्टरौ लालदुर्गस्य प्राचीरस्य उपरि पुष्पवृष्टिं कृतवन्तौ। तयोरेकं हेलिकॉप्टरं राष्ट्रियध्वजं, अपरं च ‘वन्दे मातरम्’ इति लिखितं ध्वजं वहद् आकाशे उड्डीयमानम् आसीत्। हेलिकॉप्टरयोः नेतृत्वं विंग कमाण्डर रजतेन स्क्वाड्रनलीडर अङ्कितवार्ष्णेयेन च कृतम्।
रक्षामन्त्री राजनाथसिंहः, रक्षाराज्यमन्त्री सञ्जयसेठः तथा रक्षासचिवः राजेशकुमारसिंहः लालदुर्गप्राङ्गणे आगमनसमये प्रधानमन्त्री नरेन्द्रमोदिनं स्वागतं कृतवन्तः। ततः रक्षासचिवेन दिल्लीक्षेत्रस्य जनरलऑफिसरकमाण्डिङ्ग् जीओसी लेफ्टिनेन्टजनरल राजेशसेठी इत्यस्य परिचयः प्रधानमन्त्रीनरेन्द्रमोदिना सह कारितः। तदनन्तरं दिल्लीक्षेत्रस्य जीओसी प्रधानमन्त्रीं सलामीमञ्चं प्रति नीतवान्, यत्र त्रयाणां सेनानां दिल्लीपुलिसस्य च संयुक्तदलेन प्रधानमन्त्रीं ‘जनरलसैल्यूट’ इति सम्मानं प्रदत्तम्। ततः प्रधानमन्त्री ‘गार्डऑफऑनर’ इत्यस्य निरीक्षणं कृतवान्। अस्मिन् दलमध्ये सेना, नौसेना, वायुसैन्यं तथा दिल्लीपुलिस् इत्येतेषां प्रत्येकं विभागात् एकैकः अधिकारी च चतुर्विंशतिः सैनिकाः च सम्मिलिताः आसन्।
अस्मिन् वर्षे स्वातन्त्र्यदिवससमारोहस्य समन्वयकसेवायाः दायित्वं भारतीयसेनायै समर्पितम् आसीत्। ‘गार्डऑफऑनर’ इत्यस्य नेतृत्वं लेफ्टिनेन्टकर्नल अर्जुनसिंहेन कृतम्। सेनादलस्य नेतृत्वं मेजर आदित्यशर्मा, नौसेनादलस्य नेतृत्वं लेफ्टिनेन्ट कमाण्डर नीलमराणा तथा वायुसैन्यदलस्य नेतृत्वं स्क्वाड्रनलीडर विपिनकुमारेण कृतम्। दिल्लीपुलिसदलस्य नेतृत्वं अतिरिक्तपुलिस उपायुक्तेन एडीसीपी विनीतकुमारेण कृतम्।
‘गार्डऑफऑनर’ इत्यस्य निरीक्षणं कृत्वा प्रधानमन्त्री लालदुर्गस्य प्राचीरं प्रति गतवान्, यत्र रक्षामन्त्री राजनाथसिंहः, रक्षाराज्यमन्त्री सञ्जयसेठः, चीफऑफडिफेन्सस्टाफ जनरल एनएस राजासुब्रमणि, वायुसैन्यप्रमुखः एयरचीफमार्शल एपीसिंहः, नौसेनाप्रमुखः एडमिरल कृष्णस्वामीनाथन् तथा थलसेनाप्रमुखः जनरल धीरजसेठः तस्य स्वागतं कृतवन्तः।
तदनन्तरं दिल्लीक्षेत्रस्य जीओसी प्रधानमन्त्रीं राष्ट्रियध्वजारोहणाय प्राचीरस्य उपरि निर्मितं मञ्चं प्रति नीतवान्। कैप्टन सोनियासिंहचौहान प्रधानमन्त्री नरेन्द्रमोदिनं राष्ट्रियध्वजारोहणे सहाय्यं कृतवती। ध्वजारोहणसमये एव १७२१ फील्डबैटरी सेरेमोनियल इत्यस्य वीरगणरैः एकविंशतितोपानां सलामी प्रदत्ता। स्वदेशीयया १०५ मिमी लाइटफील्डगनेन सुसज्जितस्य अस्य सेरेमोनियलदलस्य नेतृत्वं मेजर पवनसिंहशेखावतेन कृतम्। गनपोजीशनअधिकारी इत्यस्य दायित्वं नायबसूबेदार अनुतोषसकारेण निर्वहितम्।
नेशनलफ्लैगगार्डमध्ये सेना, नौसेना, वायुसैन्यं तथा दिल्लीपुलिस् इत्येतेभ्यः एकैकः अधिकारी तथा द्वात्रिंशत् द्वात्रिंशत् सैनिकाः सम्मिलिताः आसन्। प्रधानमन्त्री नरेन्द्रमोदी यदा राष्ट्रियध्वजम् आरोहितवान्, तदा एतेन अन्तरसेवासंयुक्तगार्डेन पुलिसगार्डेन च ‘राष्ट्रियसलामी’ प्रदत्ता। अस्य संयुक्तगार्डस्य नेतृत्वं मेजर लोकेन्द्रसिंहशेखावतेन कृतम्। नेशनलफ्लैगगार्डमध्ये सेनादलस्य नेतृत्वं मेजर विकासयादवः, नौसेनादलस्य नेतृत्वं लेफ्टिनेन्टकमाण्डर अभिलाषः तथा वायुसैन्यदलस्य नेतृत्वं स्क्वाड्रनलीडर उमेशः कृतवन्तः। दिल्लीपुलिसदलस्य नेतृत्वं अपरपुलिसउपायुक्तेन एडीसीपी विकासमीणेन कृतम्। तिरङ्गध्वजे आरोहिते सति तस्मै ‘राष्ट्रियसलामी’ प्रदत्ता।
अस्मिन् समये सेनायाः वाद्यवृन्देन ‘वन्दे मातरम्’ इत्यस्य धुनिः वादिता। सेनावाद्यवृन्दस्य सञ्चालनं सूबेदार ईश्वरसिंहेन कृतम्, यस्मिन् एकः जेसीओ तथा पञ्चविंशतिः अन्यपदस्थसैनिकाः सम्मिलिताः आसन्। लालदुर्गे उपस्थितैः जनैः सह राष्ट्रियगीतस्य सामूहिकगायनं कृतम्, ततः राष्ट्रगानस्य गायनम् अभवत्।
--------------------------
Hindusthan Samachar / Dheeraj Maithani