सुपौलम्, 15 अगस्तमासः (हि.स.)।

जनपदस्य निर्मलीअनुमण्डले स्वातन्त्र्यदिवसः हर्षोल्लासेन आचरितः। अस्मिन्नवसरे अनुमण्डलकार्यालये अञ्चलकार्यालये तथा विभिन्नेषु शासकीयकार्यालयेषु प्रमुखेषु स्थलेषु च राष्ट्रध्वजः समुत्तोलितः। अधिकारिभिः, जनप्रतिनिधिभिः स्थानीयजनैश्च राष्ट्रध्वजाय सलामी प्रदाय देशस्य एकतायाः, अखण्डतायाः विकासस्य च प्रति स्वकीयप्रतिबद्धता प्रकटिता।

स्वातन्त्र्यदिवसस्य अवसरे निर्मली अञ्चलकार्यालये भूमिहीनपरिवाराणां कृते विशेषः प्रयासः कृतः। प्रभारी अञ्चलाधिकारी शाहिनाबेगमया त्रयोविंशतिः भूमिहीनपरिवाराणां मध्ये भूमिसम्बद्धानि वासगीतिपत्राणि वितरितानि। पत्रप्राप्तेः अनन्तरं लाभार्थिपरिवाराणां मुखेषु प्रसन्नता दृश्यते स्म।

कार्यक्रमे निर्मलीअनुमण्डलस्य पदाधिकारी धीरजकुमारसिंहः, अनुमण्डलपुलिसाधिकारी अनुपेशनारायणः, प्रखण्डप्रमुखः रामप्रवेशकुमारयादवः, परिक्षेत्रनिरीक्षकः राणारणविजयः, प्रभारी अञ्चलाधिकारी शाहिनाबेगमा, प्रखण्डविकासाधिकारी आरुषिशर्मा सहितम् अन्ये अधिकारिणः जनप्रतिनिधयश्च उपस्थिताः आसन्। नगरपञ्चायतनिर्मल्याः मुख्यपार्षदा दुलारीदेवी तथा निर्मलीचेम्बरऑफकॉमर्स इत्यस्य अध्यक्षः अभिषेकपंसारी सहितम् अन्ये जनाः अपि कार्यक्रमे सहभागितां कृतवन्तः।

अधिकारिभिः उक्तं यत् पात्रेभ्यः भूमिहीनपरिवारेभ्यः शासकीययोजनानां लाभं प्रदापयितुं प्रशासनस्य प्राथमिकतासु अन्तर्भूतम् अस्ति। वासगीतिपत्रस्य प्राप्त्या एतेषां परिवाराणां कृते आवासस्य अन्यासां च शासकीयसुविधानां लाभं प्राप्तुं मार्गः सुलभः भविष्यति। अस्याः पहलस्य माध्यमेन लाभार्थिपरिवाराः स्वकीयावासाय भूमिसम्बद्धान् अधिकारान् प्राप्तुं सहाय्यं प्राप्स्यन्ति।

अस्मिन्नवसरे प्रशासनिकाधिकारिभिः, जनप्रतिनिधिभिः सामान्यजनैश्च देशस्य एकतायाः, अखण्डतायाः विकासस्य च कृते स्वकीयदायित्वानां निर्वहनस्य संकल्पः अपि कृतः।

Hindusthan Samachar / Dheeraj Maithani